Ryanair mianiaje praviły pravozu: z 1 listapada tolki adna sumka ŭ ručnoj pakłažy
Novaŭviadzieńnie avijakampanija-łaŭkostar patłumačyła tym, što pasažyry pranosiać na bort pa dźvie vialikija sumki i tym samym zatrymlivajuć pasadku, piša Tut.by.
Z 1 listapada pasažyry Ryanair nie zmohuć bolš pravozić u ručnoj pakłažy dźvie sumki. Pra novaŭviadzieńnie avijakampanija paviedamiła na ŭłasnym sajcie. Kali ciapier pasažyr moža biaspłatna ŭziać na bort nievialiki čamadan i sumku (pamieram 55×40×20 i 35×20×20 santymietraŭ), to nieŭzabavie heta budzie zabaroniena. Novyja praviły pieravozki: adzin pasažyr — adna ručnaja pakłaža. Vyklučeńnie tolki dla baćkoŭ niemaŭlataŭ — jany zmohuć uziać na bort dadatkova sumku ŭ piać kiłahramaŭ. Astatnim pasažyram druhuju sumku dazvolać biaspłatna zdać u hruzavy adsiek samalota.
— Zanadta šmat klijentaŭ imknucca vykarystać mahčymaść i pranosiać u ručnoj pakłažy pa dźvie vialikija sumki — tym samym stvarajučy vysoki kaeficyjent nahruzki; naprykład u žniŭni jon skłaŭ 97%. Z-za hetaha nie chapaje miescaŭ dla ručnoj pakłažy na vierchnich palicach, što pryvodzić da zatrymki pasadki ŭ samalot, — havorycca ŭ zajavie pres-słužby Ryanair.
Ryanair taksama źnižaje ceny na pravoz bahažu z 35 jeŭra da 25 jeŭra, pry hetym pavialičvaje dazvolenuju vahu bahažu z 15 da 20 kiłahramaŭ.
Nahadajem, bližejšyja aeraporty, ź jakich lotaje łaŭkostar Ryanair, znachodziacca ŭ Polščy i Litvie.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary