Kramy i pradpryjemstvy bytu ŭ Minsku prapanujuć źnižki da Dnia horada, paviedamili BIEŁTA ŭ Minharvykankamie.
Tak, bytavyja pasłuhi pa źnižanych na 10-50% cenach pradastaŭlajuć udzielnikam Vialikaj Ajčynnaj vajny, invalidam, piensijanieram i šmatdzietnym siemjam. Źnižki raspaŭsiudžvajucca na ramont abutku, juvielirnych upryhažeńniaŭ, fotapasłuhi, pasłuhi cyrulniaŭ, pralniaŭ, łaźniaŭ, chimčystki. U akcyi biaruć udzieł bolš za 100 abjektaŭ bytavoha absłuhoŭvańnia, poŭny pieralik arhanizacyj raźmieščany na sajcie upraŭleńnia bytavoha i haściničnaha absłuhoŭvańnia Minharvykankama. Infarmacyju taksama možna atrymać pa karotkim numary 167.
U handlovych arhanizacyjach projduć akcyi «Dni źnižak». 9 vieraśnia źnižku 20% na niecharčovyja tavary, 5% na charčovyja tavary pry sumie kupli ad 15 rubloŭ prapanuje CUM. Univiermah «Biełaruś» i HUM abjaŭlajuć ab źnižeńni cen na 22% dla ŭładalnikaŭ dyskontnych karakt. Źniziać ceny handlovy dom «Na Niamizie», «Kirmaš», kramy handlovaha centra «Stalica» i inš.
Da śviata staličnyja pradpryjemstvy vypuścili pradukcyju ź jubilejnaj simvolikaj — limitavanuju kalekcyju hadzińnikaŭ, suvieniry, tkanyja sumki, infarmacyjnyja fłajery, majki, torty, muku, pitnuju vadu, maroziva, nabory cukierak, šakaład i inš.
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary