Namieśnik ministra sportu, prysudžany da 5 hadoŭ, pracuje dyrektaram Biełaruskaha łyžnaha sajuza
Adzin z karystalnikaŭ forumu «Priessboła» źviarnuŭ uvahu na toje, što były namieśnik ministra sportu Siarhiej Nierad, asudžany ŭ 2014 hodzie na 5 hadoŭ kałonii ŭzmocnienaha režymu z pazbaŭleńniem prava zajmać pasady ŭ orhanach dziaržaŭnaha kiravańnia, źviazanych z vykanańniem arhanizacyjna-rasparadčych abaviazkaŭ, pracuje na pasadzie spartyŭnaha dyrektara ŭ biełaruskim łyžnym sajuzie.
I heta pry tym, što na volu pa prysudzie Siarhiej Nierad pavinien byŭ vyjści tolki u 2018 hodzie (jon byŭ zatrymany supracoŭnikami KDB Biełarusi ŭ krasaviku 2013-ha). Ale byŭ vyzvaleny daterminova.
Pa kamientar SPORT.TUT.BY źviarnuŭsia ŭ Biełaruski łyžny sajuz, dzie situacyju patłumačyŭ hienieralny sakratar arhanizacyi Kanstancin Hrybaŭ.
— Tak, Siarhiej Nierad sapraŭdy zajmaje pasadu spartyŭnaha dyrektara ŭ Biełaruskim łyžnym sajuzie. Pracuje ŭžo, napeŭna, bolš za hod. Ale jaho pasada — nie kiraŭničaja, jon zajmajecca spartovym raźvićciom. I nijakim čynam da pryniaćcia rašeńniaŭ i kiraŭnictva kampanii dačynieńnia nie maje. Jon supracoŭnik, čyja pasada ŭ štatnym raskładzie značycca jak spartyŭny dyrektar.
I jašče. Vy patelefanavali, napeŭna, u temu, ale jon zvalniajecca z hetaj pasady. Adnak zusim nie pa hetych pryčynach, pa jakich u vas uźnikła pytańnie.
Jon byŭ asudžany, i vyprabavalny 5-hadovy termin, na praciahu jakoha jon nie maje prava zajmać kirujučyja pasady, vykonvaŭsia. Pradstaŭniki MUS z nami źviazvalisia z hetaj nahody, my dali im infarmacyju ab słužbovych abaviazkach Nierada, i nijakich pytańniaŭ u ich nie ŭźnikła. Siarhiej Michajłavič u dadzienym vypadku — paŭnavartasny supracoŭnik, jaki ŭ poŭnaj miery vykonvaje svaje abaviazki i nie parušaje zakon. Nijakich da jaho pretenzijaŭ niama. A rašeńnie syści — heta jaho asabistaje, i ŭ jaho dalejšy pracoŭnym praces ja ŭžo nie ŭmiešvajusia i nie maju prava raspaŭsiudžvać infarmacyju ab hetym, — skazaŭ hienieralny sakratar BŁS Kanstancin Hrybaŭ.
U 2014 hodzie pastanovaj suda vyjaŭlena, što Siarhiej Nierad u 2011—2012 hadach, łabiravaŭ intaresy niekalkich kamiercyjnych struktur, pieravyšajučy svaje słužbovyja paŭnamoctvy, addavaŭ padnačalenym supracoŭnikam zahadzia niezakonnyja ŭkazańni ab nabyćci za biudžetnyja hrašovyja srodki nieabchodnych dla patreb Ministerstva sportu i turyzmu spartyŭnych tavaraŭ i miedycynskaha abstalavańnia ŭ parušeńnie vyznačanaha zakanadaŭstvam paradku ažyćciaŭleńnia dziaržaŭnych zakupak.
Alaksandr Łukašenka padčas štohadovaha pasłańnia da biełaruskamu narodu i Nacyjanalnamu schodu 22 krasavika 2014 hoda adznačyŭ, što «nie pieršy hod my zmahajemsia z karupcyjaj, žorstka karajučy parušalnikaŭ», ale, pavodle jaho acenki, «u prafiłaktycy my niedapracoŭvajem». Pavodle jaho słoŭ, była stvorana składanaja sistema dziaržzakupak, ale jana čamuści nie pieraškodziła namieśniku ministra sportu i turyzmu Siarhieju Nieradu nieadnarazova atrymlivać chabar ad kamiercyjnych arhanizacyj za pieramohu ŭ konkursach na pastaŭku spartyŭnaha invientara.
U chodzie śledstva abvinavačvańnie ŭ chabarnictvie było pierakvalifikavana ŭ abvinavačvańnie ŭ pieravyšeńni słužbovych paŭnamoctvaŭ.
Pa vynikach razhladu kryminalnaj spravy Nierad pryhavorany da piaci hadoŭ pazbaŭleńnia voli z adbyvańniem pakarańnia ŭ papraŭčaj kałonii va ŭmovach ŭzmocnienaha režymu. Taksama jamu pryznačana dadatkovaje pakarańnie ŭ vyhladzie pazbaŭleńnia prava zajmać pasady ŭ orhanach dziaržaŭnaha kiravańnia, źviazanych z vykanańniem arhanizacyjna-rasparadčych abaviazkaŭ, terminam na piać hadoŭ.
Kamientary