Sud Babrujska i Babrujskaha rajona prysudziŭ byłoha staršyniu Višnieŭskaha sielsavieta Mikałaja R. da 15 hadoŭ kałonii ŭzmocnienaha režymu, paviedamlaje Tut.by.
Jaho pryznali vinavatym pa čatyroch artykułach Kryminalnaha kodeksa: «Raspusnyja dziejańni», «Zhvałtavańnie», «Hvałtoŭnyja dziejańni seksualnaha charaktaru» i «Pałavyja znosiny i inšyja dziejańni seksualnaha charaktaru z asobaj, jakaja nie dasiahnuła šasnaccacihadovaha ŭzrostu», paviedamili ŭ sudzie.
56-hadovaha staršyniu sielsavieta zatrymali 21 listapada 2016 hoda. Čynoŭniku vystavili abvinavačańnie ŭ pałavych znosinach i dziejańniach seksualnaha charaktaru z małaletniaj žycharkaj vioski Stasieŭka. Skandał razhareŭsia paśla taho, jak vyśvietliłasia, što 14-hadovaja školnica źjaŭlajecca nośbitam VIČ-infiekcyi.
Školnica zaciažaryła. Maci nastajała na aborcie. Analizy, jakija zdała jaje dačka pierad štučnym pierapynieńniem ciažarnaści, pakazali, što dziaŭčynka źjaŭlajecca nośbitam VIČ-infiekcyi.
Kali pačali vyśviatlać, ad kaho jana mahła zarazicca, školnica raskazała ab intymnych adnosinach z 56-hadovym staršynioj sielsavieta i byłym nastaŭnikam. Pa słovach maci, chłopcy, ź jakimi sustrakałasia jaje dačka, zdali analizy, jakija akazalisia admoŭnymi na VIČ.
Napiaredadni aryštu abvinavačany napisaŭ zajavu na zvalnieńnie pa ŭłasnym žadańni z pasady staršyni sielskaha vykankama, jaho taksama pazbavili deputackaha mandatu u Babrujskim rajsaviecie.
Školnica, u jakoj vyjaŭlena VIČ-infiekcyja, nie paniasie adkaznaści za jaje raspaŭsiud.
Sudovy praces byŭ zakrytym. Ci prysutničaŭ na vyniasieńni prysudu paciarpieły bok, nieviadoma.
Prysud u zakonnuju siłu nie ŭstupiŭ i moža być abskardžany.
Ciapier čytajuć
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1616
Kamientary