Padvodny kabiel novaha pakaleńnia złučyŭ Amieryku i Jeŭropu na hłybini 5 km
Sotni padvodnych kamunikacyjnych kabielaŭ źviazvajuć pamiž saboj usie kantynienty našaj płaniety, akramia Antarktydy. Mienavita jany zabiaśpiečvajuć bieśpierabojnuju pieradaču vielizarnych abjomaŭ dadzienych ź siervieraŭ papularnych servisaŭ i sajtaŭ u kvatery karystalnikaŭ u roznych kutkach śvietu.
Da apošniaha času samaj mahutnaj padvodnaj kabielnaj sistemaj ličyłasia sistema Appolo, jakaja złučaje pamiž saboj Paŭnočnuju Amieryku i Jeŭropu. Ciapier kampanii Microsoft i Facebook stvaryli i navat zapuścili ŭ ekspłuatacyju zusim novaje pakaleńnie padvodnaha kamunikacyjnaha kabiela.
Upieršyniu novaje pakaleńnie kabiela, jakoje atrymała nazvu Marine, było pradstaŭlenaje šyrokaj publicy jašče letaś.
Jak śćviardžajuć stvaralniki, jon zdolny zabiaśpiečyć adnačasovuju tranślacyju 71 000 000 videarolikaŭ u HD-jakaści.
Zhodna z prajektam, hety kabiel pavinien budzie złučyć amierykanski Virdžynija-Bič ź ispanskim horadam Bilbao. U dadzieny momant usie mantažnyja raboty zavieršanyja, i jon całkam zapuščany ŭ ekspłuatacyju, pierasiakajučy Atłantyčny akijan na hłybini bolš za 5000 mietraŭ. Daŭžynia kabiela składaje 6600 kiłamietraŭ, a ahulnaja vaha — bolš za 4,6 miljona kiłahramaŭ.
Prapusknaja zdolnaść kabiela Appolo roŭnaja 3,2 terabitam za siekundu. U hetym płanie Marine pieraŭzychodzić jaho pa poŭnaj, bo jon pieradaje infarmacyju z chutkaściu 160 terabit za siekundu.
Heta prykładna ŭ 16 miljonaŭ razoŭ chutčej za siaredniestatystyčnaje chatniaje internet-złučeńnie. Układańnie takich bujnych kampanij, jak Microsoft i Facebook, u stvareńnie kabiela novaha pakaleńnia całkam apraŭdanaje, bo, pavodle prahnozaŭ, užo da 2025 hoda spažyvańnie internet-trafiku vyraście ŭ vosiem razoŭ. Microsoft z dapamohaj Marine imkniecca palepšyć jakaść servisaŭ Office 365, Skype i Xbox Live, tady jak Facebook zacikaŭleny ŭ raźvićci VR-technałohij (virtualnaje realnaści) šlacham stvareńnia adpaviednaha kantentu.
Ciapier čytajuć
Łukašenka pra pavietranyja šary ź Biełarusi: Ja razmaŭlaŭ ź lotčykami, dla samalotaŭ nijakaj prablemy niama4
Łukašenka pra pavietranyja šary ź Biełarusi: Ja razmaŭlaŭ ź lotčykami, dla samalotaŭ nijakaj prablemy niama
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1717
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju17
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy2323
Kamientary