Sprečki vakoł matču hrupavoha etapu Lihi Jeŭropy pamiž BATE i «Arsienałam», što adbyŭsia 28 vieraśnia, nijak nie ŭlahucca. Učynak chłopca ź Vilejki Alaksandra Vianhierskaha, jaki vybieh na pole ź bieł-čyrvona-biełym ściaham u rukach, mnohija padtrymali, ale niekatoryja davoli žorstka raskrytykavali.
Televiadoŭca Hanna Bond spačatku nazvała vilejčuka doŭbniem. Maŭlaŭ, nie razumieje, što sport pa-za palitykaj i padstaŭlaje FK BATE. A ciapier źjedliva vykazałasia pra šmatrazovaha čempijona śvietu pa tajskim boksie Vitala Hurkova, što staŭ na bok chłopca.
«Lublu svaju krainu! Kali ty ničoha nie viedaješ pra matč BATE — «Arsienał», akramia taho, što na im byŭ chłopiec ź Vilejki. I nie było b tam hetaha chłopca, to naohuł nie viedaŭ by, što da nas pryjechała takaja aŭtarytetnaja futbolnaja kamanda. Bo na łate naohuł pofih», — napisaŭ Vital.
Toje, što Hurkoŭ nazvaŭ lubimuju kamandu Hanny «łate», jaje nie na žart razzłavała.
«Aznajomiłasia z dopisam Vitala i zrazumieła… Unikalny bajec muaj-taj, jaki jašče i śpiavaje. Paciarpieŭšy parazu na chatnim čempijanacie śvietu ad partuhalskaha bajca (choć i uziaŭšy revanš na Suśvietnych hulniach-2017), jon moh by padniać svoj BČB, navat kali b znachodziŭsia ŭ statusie #nienašavoźmie, ale nie zrabiŭ hetaha. Why? Mabyć, śpiavać u bryhadzie Michałka treba i chočacca! Ale jość umovy. I chłopcy ich śviata vykonvajuć. Vital, pry ŭsioj pavazie: albo śpiavajcie, albo bicie. Talenavity čałaviek talenavity va ŭsim — nie pra vas. U adroźnieńni ad Pałaca sportu, dzie vy vystupali i nie zmahli sabrać anšłah, matč ŁATE (vy tak nazyvajecie 13-kratnaha čempijona krainy) suprać «Arsienała» mieŭ sold out [kvitki byli całkam raspradadzienyja — NN] jašče napiaredadni matču. Ź nieciarpieńniem usim BATE (zapomnicie, Vital, vy jašče małady, choć sport, abrany vami, vielmi traŭmaniebiaśpiečny) čakajem vašaha čarhovaha tytuła, pažadana ŭ Respublicy Biełaruś (Zołata na Suśvietnych hulniach-2017 nie ličycca). P.S. Na majski boks naohuł pofih», — adkazała Vitalu Hanna.
A vy na čyim baku?
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ56
Kamientary