U Irłandyi paśla štormu na plažy znajšli pareštki staražytnaha čałavieka
Žychary hrafstva Ueksfard, špacyrujučy pa plažy paśla štormu «Afielija», jaki bušavaŭ u pačatku tydnia pa ŭsioj Irłandyi, vyjavili frahmienty čałaviečaha škileta. Pra hetuju znachodku paviedamlajuć infarmahienctvy sa spasyłkaj na Irish Times.
Miascovyja antrapołahi, praanalizavaŭšy znachodku na miescy, zajavili, što jany adnosiacca da pieryjadu žaleznaha vieku: 5 stahodździe da n. e. — 4 stahodździe n. e. Palicyja ačapiła ŭčastak plažu Forłarn pojnt, dzie hrupa ekśpiertaŭ praciahvaje pošuki frahmientaŭ. Ab tym, jakaja častka škileta znojdzienaja, nie paviedamlajecca. Usie znojdzienyja frahmienty buduć dastaŭlenyja ŭ Nacyjanalny muziej Irłandyi dla dalejšaj ekśpiertyzy, udakładniajecca ŭ publikacyi.
Žalezny viek — adzin z najmienš daśledavanych pieryjadaŭ staražytnaj irłandskaj historyi, paviedamlaje vydańnie. Padobnaja znachodka — vialikaja redkaść jašče i tamu, što ŭ toj pieryjad plamiony, jakija zasialali Irłandyju, kremiravali niabožčykaŭ. Havorka idzie ab pieršych kieltach, jakija prybyvali z kantynientalnaj Jeŭropy i raspačali zasialeńnie brytanskich vyspaŭ.
Rajon Forłarn pojnt viadomy archieołaham jak miesca bujnych pasieliščaŭ čałavieka žaleznaha stahodździa, razam z dahistaryčnymi stajankami ŭ Nava Fort (hrafstva Arma, Paŭnočnaja Irłandyja), Dun Ejlin (hrafstva Kiłdar) i Krohan (hrafstva Roskaman).
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2323
Kamientary