U Kijevie adbyŭsia zamach na deputata ad «Radykalnaj partyi» Ihara Masijčuka.
Kali jon vychodziŭ z budynka telekampanii «Espresa», na darozie byŭ uzarvany matacykł. U susiednich damach pavybivała šyby.
«U vyniku vybuchu paciarpieli try čałavieki, ich usich advieźli ŭ balnicy. Adnak adzin čałaviek prykładna 30 hadoŭ pamior u chutkaj dapamozie», — paviedamiŭ śpikier Nacyjanalnaj palicyi Jarasłaŭ Trakała.
Masijčuk paranieny, ale zastaŭsia žyvy. Zahinuŭ jaho achoŭnik.
Ihar Masijčuk — nacyjanalistyčny palityk, były namieśnik kamandzira bataljona «Azoŭ».
Dva hady tamu, užo paśla Majdanu, jon byŭ aryštavany za atrymańnie chabaru za dapamohu ŭ pradprymalnickaj dziejnaści, adnak spravu da suda nie daviali.
Kamientary