Dla biełarusaŭ chočuć uvieści abaviazkovuju apłatu za aciapleńnie pa indyvidualnych ličylnikach
Płatu za ciapło pa indyvidualnych ličylnikach mohuć zrabić u Biełarusi abaviazkovaj, paviedamiŭ žurnalistam načalnik upraŭleńnia žyllovaj haspadarki Ministerstva žyllovaj haspadarki Andrej Ramaška, piša BiełTA.
«Siońnia prymajecca rašeńnie pra abaviazkovaje vykarystańnie hetych pryboraŭ u šmatkvaternych žyłych damach, dzie jany ŭstanoŭleny. Heta dziaržaŭny intares i palityka ŭ častcy ekanomii ciepłavoj enierhii», — skazaŭ Andrej Ramaška.
U cełym pa krainie dola šmatkvaternaha žyllovaha fondu, dzie jość mahčymaść pakvaternaha ŭliku spažyvańnia ciapła, składaje kala 10%. Razam z tym joju karystajucca mienš za pałovu z hetych 10%.
U Minsku pryborami indyvidualnaha rehulavańnia i ŭliku ciepłavoj enierhii abstalavana 848 damoŭ, ale raźličacca pa ich tolki 507 žyłych damoŭ. «Heta ŭ bolšaj stupieni źviazana z tym, što mietodyka pakvaternaha raźliku praduhledžvaje dobraachvotny ŭdzieł spažyŭca ŭ dadzienych mierapryjemstvach. Heta značyć faktyčna ŭłaśniki siońnia sami prymajuć rašeńnie - raźličvacca im pa hrupavym pryboru ŭliku praparcyjna płoščy albo rehulavać i apłačvać ciepłaenierhiju pa faktyčnym spažyvańni ŭ kožnaj kvatery», — rastłumačyŭ Andrej Ramaška.
Kamientary