Для беларусаў хочуць увесці абавязковую аплату за ацяпленне па індывідуальных лічыльніках
Плату за цяпло па індывідуальных лічыльніках могуць зрабіць у Беларусі абавязковай, паведаміў журналістам начальнік упраўлення жыллёвай гаспадаркі Міністэрства жыллёвай гаспадаркі Андрэй Рамашка, піша БелТА.
«Сёння прымаецца рашэнне пра абавязковае выкарыстанне гэтых прыбораў у шматкватэрных жылых дамах, дзе яны ўстаноўлены. Гэта дзяржаўны інтарэс і палітыка ў частцы эканоміі цеплавой энергіі», — сказаў Андрэй Рамашка.
У цэлым па краіне доля шматкватэрнага жыллёвага фонду, дзе ёсць магчымасць пакватэрнага ўліку спажывання цяпла, складае каля 10%. Разам з тым ёю карыстаюцца менш за палову з гэтых 10%.
У Мінску прыборамі індывідуальнага рэгулявання і ўліку цеплавой энергіі абсталявана 848 дамоў, але разлічацца па іх толькі 507 жылых дамоў. «Гэта ў большай ступені звязана з тым, што методыка пакватэрнага разліку прадугледжвае добраахвотны ўдзел спажыўца ў дадзеных мерапрыемствах. Гэта значыць фактычна ўласнікі сёння самі прымаюць рашэнне - разлічвацца ім па групавым прыбору ўліку прапарцыйна плошчы альбо рэгуляваць і аплачваць цеплаэнергію па фактычным спажыванні ў кожнай кватэры», — растлумачыў Андрэй Рамашка.
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?10
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?
«На працягу 30 гадоў незалежнасці беларускамоўныя бюлетэні задавальнялі ўсіх». Камуністы абвінавацілі Бондараву ў распальванні варожасці на моўнай глебе1616
Каментары