U muziei-fabrycy jołačnych cacak zrabili ŭpryhažeńni dla hałoŭnaj jalinki
Adziny muziej-fabryka jołačnych cacak pravioŭ niezvyčajny majstar-kłas. Dziasiatki dziaciej pryjšli navučycca majsterstvu stvareńnia cacak da Novaha hoda. Dla majstar-kłasa śpiecyjalna byli stvorany try hihanckija śniažynki, jakija ŭpryhožać hałoŭnuju jalinku krainy ŭ Pałacy Respubliki.
Muziej-fabryka jołačnych cacak adkryŭsia ŭsiaho dva tydni tamu, ale ŭžo paśpieŭ padaryć atmaśfieru śviata dla mienčukoŭ. Kalekcyju redkich cacak z paŭsotni krain moža ŭbačyć luby achvočy. Hałoŭnaja asablivaść muzieja — heta vyjaznaja vytvorčaść adzinaj u krainie fabryki jołačnych cacak «Hraj». Mastaki fabryki raśpisvajuć šary pierad naviedvalnikami i zaprašajuć na majstar-kłasy. U čaćvier, 26 kastryčnika, u dzień pieršaha śniehu, usie achvotnyja ŭziali ŭdzieł u asablivym majstar-kłasie i stvaryli try cacki dla hałoŭnaj jalinki krainy. Siarod małych, jakija pryjšli z mamami i tatami, byŭ i maleńki imianińnik Savielij, dla jakoha heta śviata stała pa-sapraŭdnamu kazačnym.
— Kaliści i ja byŭ maleńkim chłopčykam, u jakoha była lubimaja cacka, a siońnia ŭ majoj kalekcyi ich užo tysiačy, — kaža Andrej Biahun, zasnavalnik muzieja jołačnych cacak. — Cacki, jakija majstry stvarajuć na fabrycy, upryhožvajuć sotni damoŭ i dorać navahodni nastroj ludziam pa ŭsioj krainie. Mnie pryjemna prychodzić u hości da siabroŭ i bačyć na ich jalinkach našy šary, raśpisanyja mastakami. Darečy, časam jany i nie zdahadvajucca, što heta cacki ad «Hraj».
Dla tematyčnaha majstar-kłasa byli stvorany śniažynki dyjamietram kala mietra. Ich udzielniki majstar-kłasa nie tolki razmaloŭvali admysłovymi farbami, ale i pakryvali iskrami. Cikava, što da dziaciej dałučylisia i darosłyja. Asablivy ažyjataž vyklikaŭ majstar-kłas pa ŭpryhožvańni śniažynki škłom. Maleńkija i darosłyja mastaki pieranieślisia ŭ kazku «Śniežnaja karaleva» i sabrali śniažynku z maleńkich kavałačkaŭ škła. Heta technika fjuzinh — złučeńnia i zapiakańnia kalarovych kavałačkaŭ škła.
— Kožny hod, ustaloŭvajučy jalinku ŭ Pałacy Respubliki, my zakuplajem sotni cacak. Pryznajusia, cacki, stvoranyja dziećmi, my budziem vykarystoŭvać upieršyniu, — kaža Hienadź Iljinčyk, načalnik kancertnaha adździeła Pałaca Respubliki. — Tamu chočacca padziakavać usim junym majstram, jakija ŭziali ŭdzieł u majstar-kłasie i dapamohuć nam stvaryć maleńkuju kazku, jakuju tradycyjna my pradstavim u pieršyja dni śniežnia.
Padčas rośpisu i ŭpryhažeńnia śniažynak mastaki fabryki dzialilisia sakretami majsterstva. Naprykład, nie śpiašajeciesia vykidvać tresnutuju šklanuju cacku. Lepš zrabić bliskučuju drobku i ŭpryhožyć joj navahodni kaścium — kaliści tak rabili našy taty i mamy. Heta rejsakł — praces stvareńnia čahości novaha sa starych rečaŭ, jakaja źjaviłasia tysiačy hadoŭ tamu. Dastatkova ŭziać kavałački škła, zmacavać ich klejem i pakryć hruntam.
Kožny dzień na majstar-kłasach mastaki fabryki raskryvajuć sakrety stvareńnia cacak usim achvotnym. Vy zmožacie stvaryć cacku pa ŭzory abo prydumać niešta ŭnikalnaje — tut kiruje fantazija. U płanach muzieja pravieści jašče niekalki maštabnych majstar-kłasaŭ, jakija dapamohuć nablizić lubimaje śviata.
A ŭžo z nastupnaha tydnia, u dni vosieńskich kanikuł, usie vydatniki mohuć patrapić u muziej biaspłatna. Dla hetaha dastatkova pakazać dziońnik z «dziaviatkami» i «dziasiatkami» za čverć.
Što ŭ realnaści adbyłosia pad Smalavičami? Voś samaja łahičnaja pryčyna nalotu ašalełych rasijskich małaletak3
Kamientary