Hadzińnik, kryžyk abo tatuiroŭka zamiest parola: navukoŭcy prydumali novy sposab identyfikacyi
Navukoŭcy z Fłarydskaha mižnarodnaha ŭniviersiteta prydumali novy sposab dvuchetapnaj aŭtentyfikacyi zamiest dakučlivych parolaŭ i niazručnych pravieračnych kodaŭ u SMS-paviedamleńniach. Novy mietad atrymaŭ nazvu Pixie i dla aŭtentyfikacyi patrabuje tolki najaŭnaści kamiery na smartfonie, paviedamlaje The Verge.
Aŭtary prajekta prapanujuć roznym sajtam, dadatkam i servisam vykarystoŭvać dla paćvierdžańnia asoby paśla ŭviadzieńnia parola abo skanavańnia adbitku palca (to bok pieršaha etapu aŭtentyfikacyi) skanavańnie roznych pradmietaŭ. Heta moža być tatuiroŭka, abutak, hadzińnik, bižuteryja, upryhožvańni abo inšyja rečy, jakija zaŭsiody pobač. Hety sakretny pradmiet budzie viedać tolki sapraŭdny karystalnik, a dla prachodžańnia aŭtentyfikacyi jamu treba budzie tolki navieści kamieru telefona i adskanavać jaho.
Pry hetym ałharytmy Pixie raspaznajuć pradmiet pry lubym aśviatleńni abo ź luboha rakursu. Sprava ŭ tym, što dla vyznačeńnia sapraŭdnaści sistema raspaznaje navat drobnyja detali.
* * *
Jak vy ličycie, ci źjaŭlajecca taki sposab aŭtentyfikacyi nadziejnym?
Kamientary