FOTAsieryja z partretami žančyn, jakija łamajuć standarty pryhažości
Fatohraf Mikaeła Norak z Rumynii stvaryła voś užo bolš 500 partretaŭ žančyn z usiaho śvietu. Na ich jość i kabiety biez noh, z marščynami, rabacinkami, roznych nacyjanalnaściaŭ i prafiesij.
Svaim prajektam pad nazvaj «Atłas pryhažości» Mikaeła jašče raz dakazvaje, što pryhažość u naturalnaści. Chacia, kali zahuhlić słovazłučeńnie «pryhožyja žančyny», pošukavik vydaje vielmi standartnyja vyniki.
«Što vy bačycie? Vielmi seksualnyja zdymki, praŭda? Błandzinki na abcasach ź idealnaj skuraj. Pryhažość uvieś čas pradstaŭlajuć takoj: stvarać z žančyny abjekt žadańnia, i heta vielmi sumna», — aburajecca Mikaeła. I dadaje: «Na samoj spravie žančyny nie takija. U nas jość svaje historyi, svaje pakuty, svaja siła, i nam prosta treba heta pakazać. Tamu što maładyja dziaŭčyny kožny dzień bačać tolki takija vyjavy, i im treba bolš upeŭnienaści, što jany majuć prava być naturalnymi i ličycca pry hetym pryhožymi».
Niahledziačy na toje, što fatohraf zajmajecca prajektam nie pieršy hod, na jaje instahram padpisalisia krychu bolš za 220 tysiač čałaviek, a ŭ seksualnaj Kim Kardašjan tym časam 100 miljonaŭ padpisantaŭ. Heta, ličyć fatohraf, jašče adzin pakazčyk siońniašniaj hramadskaj cikaŭnaści. Ale jana vykazvaje nadzieju, što standarty pryhažości ź ciaham času buduć źmianiacca u bok prastaty.
Kamientary