Kiraŭnik urada Katałonii, jakaja abvieściła niezaležnaść nasupierak zabaronie ispanskaha kiraŭnictva, zdaŭsia palicyi Bielhii. Pra heta paviedamlaje katałonski partał Ara.
8 ministraŭ urada Katałonii i kiraŭnictva najbolšych niezaležnickich NDA krainy byli aryštavanyja ispanskimi ŭładami. Kiraŭnik ženeraliteta (urada) Karles Pučdemon i jašče 4 ministry paśpieli vyjechać z krainy da zatrymańniaŭ.
Jany nakiravalisia ŭ Bielhiju, kab tam łabiravać spravu niezaležnaści pierad jeŭrastrukturami. Aproč taho, jany mahli raźličvać na palityčny prytułak u hetaj krainie.
Bielhija — adzinaja z krain Jeŭrasajuza, jakaja nadaje prystanišča vychadcam ź inšych krain ES, kali tyja dakažuć fakt palityčnaha pieraśledu. Heta taksama kraina, dzie katałoncy karystajucca vialikaj simpatyjaj z boku fłamandskaha nasielnictva, jakoje samo choča vyłučeńnia ŭ asobnuju dziaržavu.
U niadzielu Pučdemon i jahonyja ministry zdalisia bielhijskaj palicyi. Ich los budzie vyrašać sud u paniadziełak.
Tym časam apytańni hramadskaj dumki ŭ Katałonii pakazali, što chaŭrus niezaležnickich partyj pravaha i levaha kirunkaŭ iznoŭ zdabudzie bolšaść na vybarach u samakiravańnie, abvieščanych paśla rospusku dziejnaha parłamienta i ŭrada aŭtanomii Madrydam.
Jak vyjavili sacyjołahi, kaalicyju Pučdemona padtrymlivaje prykładna 46% vybarcaŭ. U jaje ŭvachodziać libieralna-kansiervatyŭnaja Demakratyčnaja partyja Katałonii samoha Pučdemona, Respublikanskaja levaja partyja na čale z namieśnikam Pučdemona, jaki znachodzicca ŭ liku aryštavanych, a taksama radykalnaja lavica.
Za try praispanskija partyi hatovyja prahałasavać 43%. U ich lik uvachodziać Narodnaja partyja dziejnaha premjera Ispanii Rachoja, Sacyjalistyčnaja partyja, libieralnyja «Hramadzianie».
Možna mierkavać, što paśla vybaraŭ Katałonija praciahnie kurs na adździaleńnie ad Ispanii, niahledziačy na represii Madryda i chałodnaje staŭleńnie Jeŭrasajuza i ZŠA.
54-hadovy Karles Pučdemon — žurnalist, jaki pajšoŭ u palityku. Jon vyras u siamji patomnych piekaraŭ, u jakoj ŭsiaho było 8 dziaciej. Dzied Pučdemona, u honar jakoha atrymaŭ svajo imia Karles, udzielničaŭ u vajnie suprać frankistaŭ i zahinuŭ na emihracyi. Sam Pučdemon skončyŭ fakultet katałonskaj fiłałohii. U presu staŭ pisać z 16 hadoŭ, pačaŭšy sa spartovych repartažaŭ. U prafiesijnuju palityku jon pierajšoŭ ad 2011 hoda. Staŭ pieršym kiraŭnikom Katałonii, jaki admoviŭsia prysiahać karalu Ispanii.
Cikava, što Pučdemon žanaty z rumynkaj i viančaŭsia ź joj pa pravasłaŭnym abradzie.
Pučdemon maje 560 tysiač padpisčykaŭ u Tvitary. Svajo apošniaje paviedamleńnie ŭ im pierad zdačaj palicyi jon pakinuŭ pa-fłamandsku:
We zijn bereid tot volledige medewerking met Belgische justitie nav het Europees aanhoudingsbevel uitgevaardigd door Spanje
— Carles Puigdemont (@KRLS) November 4, 2017
Ciapier čytajuć
«Heta šlach adzinočki». Biełarus bolšuju častku žyćcia pravodzić u vandroŭkach — naviedaŭ užo amal 500 abjektaŭ JUNIESKA3
Kamientary