Biełarusy Ńju-Jorka adznačyli 60-hodździe sabora BAPC u Bruklinie
3 listapada spoŭniłasia 60 hadoŭ z dnia pieršaha carkoŭnaha nabaženstva ŭ Sabory Biełaruskaj aŭtakiefalnaj carkvy Kiryły Turaŭskaha ŭ Bruklinie.
Z hetaj nahody ŭ niadzielu, 5 listapada, adbyłosia śviatočnaje archirejskaje nabaženstva z udziełam Uładyki Śviatasłava.
Paśla nabaženstva prychadžanie sabralisia ŭ hramadskaj zali Saboru. Pra historyju parafii i nabyćcia budynka carkvy raspavioŭ staršynia parafijalnaj rady Raścisłaŭ Haroška.
Bolš dalokuju historyju biełaruskaha carkvy ŭ časy VKŁ raspavioŭ Uładyka Śviatasłaŭ. Taksama byli začytanyja vinšavalnyja listy ad Ivonki Surviły, Zianona Paźniaka, śviatara Leanida Akałoviča.
Kulminacyjnym momantam śviatkavańnia staŭ aŭdyjozapis taho samaha pieršaha nabaženstva, zroblenaha radyjo «Vyzvaleńnie». Himn «Mahutny Boža» ŭsie prysutnyja śpiavali razam z carkoŭnym choram, u jakim udzielničali baćki i dziady mnohich siońniašnich viernikaŭ.
U kancy śviatočnaj sustrečy pierad prysutnymi vystupili biełaruskija vykanaŭcy Valancina Parchomienka i Alaksandr Kazak.
Ciapier čytajuć
«U vyniku jon skazaŭ mnie: «Chopić mianie šantažavać, ja chaču palubavacca hetymi drevami». Aksana Kołb raskazała, pra što razmaŭlała sa Statkievičam na miažy88
Kamientary