Pomnik pieršamu prezidentu Rasii Barysu Jelcynu, ustalavany ŭ Jekaciarynburhu la ŭvachodu ŭ Jelcyn-centr, sprabavali padpalić aktyvisty niezarehistravanaj partyi «Inšaja Rasija» [«Druhaja Rośsija»], pieradaje RBK.
«Ranicaj prajšła akcyja nacbałaŭ. Pomnik byŭ ablity bienzinam i padpaleny. Zatrymany adzin z aktyvistaŭ Ihar Ščuka», — napisaŭ u tvitary pradstaŭnik arhanizacyi Alaksandr Avieryn.
«Akcyja prymierkavana da 100-hodździa revalucyi 1917 hoda», — dadaŭ Avieryn.
«Pomnik u paradku, nijakich paškodžańniaŭ nie atrymaŭ, — jaho nie paśpieli padpalić», — udakładnili RBK ŭ pres-słužbie Jelcyn-centra.
Raniej nacboły ŭžo ładzili akcyi ŭ Jelcyn-centry. Tak, pavodle Avieryna, u krasaviku 2017 hoda jany vyviesili na budynku centra banier z nadpisam «Jelcyn, hary ŭ piekle!»
Barys Jelcyn zajmaŭ pasadu prezidenta Rasii z 1991 pa 1999 hod. 31 śniežnia 1999 hoda dobraachvotna syšoŭ u adstaŭku, pryznačyŭšy vykonvajučym abaviazki prezidenta Uładzimira Pucina, jaki zajmaŭ na toj momant pasadu premjer-ministra.
Barys Jelcyn pamior 23 krasavika 2007 hoda.
Ciapier čytajuć
Akademiju KDB budujuć prosta na Załatahorskich mohiłkach. Ź ziamli dastajuć pareštki minčukoŭ, jakich tut chavali sotni hadoŭ7
Kamientary