Dziasiatki tysiač nacyjanalistaŭ vyjšli na marš, arhanizavany krajnie pravymi ruchami ŭ Varšavie 11 listapada, u Dzień niezaležnaści Polščy, paviedamlaje Bi-bi-si.
Marš byŭ adnym ź niekalkich padziej, pryśviečanych adradžeńniu Polščy jak nacyi ŭ 1918 hodzie.
U dziaržaŭnych cyrymonijach u honar Dnia niezaležnaści ŭdzielničali prezident Andžej Duda, a taksama kiraŭnik Jeŭrapiejskaha savieta Donald Tusk, były premjer-ministr Polščy.
Adnak marš krajnie pravych nacyjanalistaŭ, u jakim, pa niekatorych acenkach, uziali ŭdzieł kala 60 tysiač čałaviek, sioleta zaciamniŭ ŭsie dziaržaŭnyja i inšyja patryjatyčnyja mierapryjemstvy.
U mnohich udzielnikaŭ maršu ŭ rukach byli nacyjanalnyja bieł-čyrvonyja ściahi, u inšych - pachodni i fiejervierki.
Marš staŭ adnoj z najbujniejšych padobnych demanstracyjaŭ u Jeŭropie, u im taksama ŭziali ŭdzieł lidary krajnie pravych ruchaŭ ź inšych krain Jeŭropy, u tym liku Tomi Robinsan ź Vialikabrytanii i Rabierta Fiore ź Italii.
Niahledziačy na toje, što kirujučaja kansiervatyŭnaja partyja nie ŭdzielničała ŭ maršy, dziaržaŭnaja telekampanija TVP nazvała hetu padzieju «vialikim šeściem patryjotaŭ».
Taksama ŭ horadzie adbyŭsia mienš maštabny pratestny marš antyfašysckaha ruchu. Arhanizatary adździalili dva šeści adno ad adnaho, kab praduchilić hvałt.
Dzień niezaležnaści śviatkujecca ŭ dzień adnaŭleńnia Polščaj suvierenitetu 99 hadoŭ tamu - u kancy Pieršaj suśvietnaj vajny. Da hetaha jana była padzielena i kiravałasia z kanca XVIII stahodździa Rasijaj, Prusijaj i Aŭstra-Vuhorskaj impieryjaj.
Ciapier čytajuć
Staŭ viadomy sens kryminalnaj «spravy strachaŭščykoŭ»9
Kamientary