Łukašenka nie palacić u Brusel na samit Uschodniaha partniorstva, delehacyju ŭznačalić Makiej

Pra heta, adkazvajučy na pytańnie BIEŁTA, zajaviŭ namieśnik načalnika ŭpraŭleńnia infarmacyi MZS Biełarusi Andrej Šuplak.

Pradstaŭnik MZS adznačyŭ, što biełaruskim bokam z padziakaj uspryniata zaprašeńnie naviedać samit na ŭzroŭni kiraŭnika dziaržavy,

što adlustroŭvaje prahres u dačynieńniach Biełarusi ź ES i pierachod, paśla doŭhaha pieryjadu roznahałośsiaŭ, u novy stan ŭzajemadziejańnia ź ES jak vielmi važnym susiedam, partnioram pa rašeńni pytańniaŭ mižnarodnaj biaśpieki ŭ Jeŭrapiejskim rehijonie i pa pašyreńni handlovaha i inviestycyjnaha ŭzajemadziejańnia krain ES ź Biełaruśsiu.

«U dypłamatyčnaj praktycy vizit na najvyšejšym uzroŭni, jak praviła, źjaŭlajecca kulminacyjaj uzajemnych namahańniaŭ bakoŭ pa raźvićci supracoŭnictva, znamianujučy saboj dasiahnieńnie hłybokich sistemnych vynikaŭ, važnych dla asnoŭ dvuchbakovaha ŭzajemadziejańnia pamiž adpaviednymi subjektami mižnarodnych adnosin.

Minsk i Brusel pry aktyŭnym udziele stalic krain — členaŭ ES sumiesna pracujuć nad raźvićciom raŭnapraŭnych ŭzajemavyhadnych adnosin, abmiarkoŭvajučy ŭvieś śpiektr pytańniaŭ uzajemadziejańnia ŭ ramkach Kaardynacyjnaj hrupy Biełaruś-ES, halinovaha dyjałohu ŭ śfiery handlu, biełaruska-jeŭrapiejskaha dyjałohu pa pravach čałavieka i praciahvajučy ŭzhadnieńnie pryjarytetam partniorstva», — skazaŭ jon.

«Biełaruski bok zacikaŭleny ŭ likvidacyi ŭsich abmiežavańniaŭ ES, jakija azmročvajuć našy adnosiny, u dačynieńni da mahčymaściaŭ ŭzajemadziejańnia ź Biełaruśsiu. Na paradku dnia biełaruska-jeŭrapiejskich adnosin naležyć źjavicca pieramovam, viadučym da zaklučeńnia bazavaha pahadnieńnia ab partniorstvie i supracoŭnictvie.

Biełaruś zacikaŭlenaja ŭ praciahu ŭdziełu va Uschodnim partniorstvie ES, jakoje pavinna stać vidavočna karysnym dla hramadzian Biełarusi i ES, palehčyŭšy ŭmovy viadzieńnia biznesu, kantakty pamiž ludźmi, suviazi ŭ roznych śfierach, pavysiŭšy uzrovień abjektyŭnych viedaŭ adzin pra adnaho», - padkreśliŭ Andrej Šuplak.

Pavodle jaho słoŭ, u ciapierašni čas Uschodniaje partniorstva ES u bolšaj stupieni źjaŭlajecca farmatam supracoŭnictva, u jakim krainy-partniory damahajucca pryznańnia jeŭrapiejskaj pierśpiektyvy.

«Biełaruś nie stavić pierad saboj takoj mety, adnak vystupaje za zachavańnie i raźvićcio «Uschodniaha partniorstva» ES jak instrumienta raźvićcia niepalityzavanaha ŭzajemadziejańnia, nakiravanaha nie suprać kaho-niebudź, a na vyrašeńnie ahulnych prablem i pytańniaŭ, jakija stajać pierad narodami i dziaržavami našaha rehijonu, — adznačyŭ pradstaŭnik MZS. — Biełaruś, budučy miescam praviadzieńnia pasiadžeńniaŭ trochbakovaj kantaktnaj hrupy, vysunuŭšy inicyjatyvy ab spałučeńni jeŭrapiejskaha i jeŭrazijskaha ekanamičnych intehracyjnych pracesaŭ, pra pačatak šyrokaha dyjałohu pieraadoleńni isnujučych supiarečnaściaŭ va ŭzajemaadnosinach pamiž dziaržavami na našaj ahulnaj prastory - u Jeŭra-Atłantycy i Jeŭrazii - bačyła b samit «Uschodniaha partniorstva» ES jak maksimalna depalityzavanaje mierapryjemstva, unosiačy tym samym układ va ŭstaranieńnie faktaraŭ raźjadnanaści ŭ vialikaj Jeŭropie».

«Mienavita hetyja mety — dalejšaje raźvićcio adnosin pamiž Biełaruśsiu i ES, prahmatyčnaje ŭmacavańnie «Uschodniaha partniorstva» ES i pryniaćcie mier, što nie pahłyblajuć supiarečnaści, a spryjajuć razradcy napružanaści ŭ našym ahulnym rehijonie, — źjaŭlajucca asnovaj našaj pazicyi da samitu Uschodniaha partniorstva, — reziumavaŭ Andrej Šuplak.

***

Nahadajem, što sioleta ŭpieršyniu zaprašeńnie ŭ Brusel na samit UP było adrasavana niepasredna Łukašenku.

Papiarednija čatyry samity prajšli biez udziełu biełaruskaha kiraŭnika — Jeŭrasajuz, jaki ŭvioŭ sankcyi suprać Biełarusi, zaprašeńni dasyłaŭ, ale davaŭ zrazumieć, što prysutnaść Łukašenki na samicie niepažadanaja. Apošni raz, u 2015 hodzie, na samicie ŭ Ryzie Biełaruś pradstaŭlaŭ kiraŭnik MZS jakraz Uładzimir Makiej.

U kancy minułaha tydnia ŭ čas rabočaha vizitu ŭ Minsk vice-kancler, ministr zamiežnych spraŭ FRH Zihmar Habryel vykazaŭ nadzieju, što na samit u Brusel ad Biełarusi pryjedzie mienavita Łukašenka.

• 0
• 0
• 0
• 0
• 0
• 0
• 0
• 0