U hetym miesiacy ŭ Minsku śledstva pačało dźvie pravierki pa faktach traŭmavańnia niemaŭlataŭ, jakim nie było i šaści miesiacaŭ u vyniku zaniatkaŭ ź fitbolnymi miačami (vialiki himnastyčny miač.
Pra vypadki napisała ŭ svaim fejsbuku aficyjny pradstaŭnik Śledčaha kamiteta Julija Hančarova.
U vyniku anałahičnyja situacyi — vyślizhvańnie dziaciej z ruk (mamy, niani) i — pierałomy skronievych, ciemiannoj kostak u małych, hiematomy. U abodvuch vypadkach nie było nieadkładnaha vykliku chutkaj dapamohi i tolki pa nastupstvach vyjaŭleńnia traŭmaŭ i niespakoi dziaciej — špitalizacyja i kanstatacyja takich surjoznych nastupstvaŭ, jak bol i tryvoha, u pieršuju čarhu, dla samich ža baćkoŭ.
Źviartaju ŭvahu, što kali dzicia ŭpała i vy padazrajacie, što jano mahło ŭdarycca hałavoj — panazirajcie za im. Kali adznačajecca mlavaść, abo niemaŭlatka časta zryhvaje, to varta źviarnucca da doktara. Niekatoryja čerapnyja traŭmy prajaŭlajucca nie adrazu. Kali dzicia ŭsio ž stuknułasia i vy heta bačyli — nieadkładna źviartajciesia da doktara. Da ahladu śpiecyjalistam stvarycie dziciaci maksimalny spakoj i ustrymajciesia ad karmleńnia, adznačaje pradstaŭnik SK
«U žyćci byvajuć roznyja situacyi, važna svoječasova reahavać i ratavać. Tak, lačebnaja fizkultura važnaja, ale ŭsio ž realna aceńvajcie svaje mahčymaści i pamiatajcie, što biaśpieka kožnaha dziciaci - naša ahulnaja zadača. Budźcie aściarožnyja!» — reziumuje Julija Hančarova.
Kamientary