Minsk i Maskva prapisali, jak buduć dziejničać, kali adziny rynak hazu ŭ Jeŭrazijskim ekanamičnym sajuzie nie budzie stvorany da 2025 hoda, piša Tut.by.
Heta vynikaje z pratakoła ab uniasieńni źmianieńniaŭ u pahadnieńnie pamiž uradami Biełarusi i Rasii ab paradku farmiravańnia cen pry pastaŭcy pryrodnaha hazu ŭ Biełaruś ad 25 listapada 2011 hoda i dalejšym supracoŭnictvie ŭ hazavaj śfiery.
U krasaviku ŭłady dźviuch krain, razrulvajučy naftahazavuju sprečku, damovilisia vypracavać da 1 studzienia 2018 hoda prapanovy pa prahramie farmiravańnia ahulnaha rynku hazu JEAES da 1 studzienia 2025 hoda, praduhledžanaha Dahavoram ab Jeŭrazijskim ekanamičnym sajuzie ad 29 maja 2014 hoda. Na asnovie nazvanych prapanoŭ było pryniata rašeńnie «zabiaśpiečyć uniasieńnie da 1 lipienia 2019 hoda źmianieńniaŭ u mižuradavaje pahadnieńnie, jakija praduhledžvajuć vyznačeńnie cany na haz dla Biełarusi z ulikam nieabchodnaści stvareńnia ŭmoŭ pa farmiravańni da 1 studzienia 2025 hoda ahulnaha rynku hazu Jeŭrazijskaha ekanamičnaha sajuza».
«Kali da 1 studzienia 2025 hoda nie budzie stvorany ahulny rynak hazu Jeŭrazijskaha ekanamičnaha sajuza, baki vyznačać paradak cenaŭtvareńnia na haz dla Respubliki Biełaruś, zychodziačy z ŭzhodnienych bakami prapanoŭ pa prahramie farmiravańnia ahulnaha rynku hazu», havorycca ŭ dakumiencie, jaki apublikavany na Nacyjanalnym pravavym partale. «My damovilisia z Rasijaj, što kali raptam pa niejkich pryčynach našy partniory nie zachočuć, tady my [adziny] rynak hazu budziem stvarać na dźviuch», — kazaŭ raniej vice-premjer Uładzimir Siamaška.
U dakumiencie taksama prapisana, što u 2018 hodzie cana na rasijski haz dla Biełarusi składzie 129 dalaraŭ za 1 tys. kubamietraŭ, u 2019-m - 127 dalaraŭ.
Pašpart Novaj Biełarusi pačnuć vydavać z 26 studzienia. Što viadoma i jak atrymać?46
Kamientary