Na sajcie kiraŭnika dziaržavy siońnia źjaviŭsia tekst padpisanaha napiaredadni Dekreta № 7 «Ab raźvićci pradprymalnictva», jaki źjaŭlajecca klučavym dakumientam z pakieta narmatyŭnych pravavych aktaŭ pa palapšeńni biźnies-klimatu ŭ krainie.
Dekret praduhledžvaje kardynalnaje źmianieńnie miechanizmaŭ uzajemadziejańnia dziaržaŭnych orhanaŭ i biźniesu, minimizuje ŭmiašańnie słužbovych asob u rabotu subjektaŭ haspadarańnia i ŭzmacniaje miechanizmy samarehulavańnia biźniesu, jaho adkaznaść za svaju rabotu pierad hramadstvam. Pry hetym zachoŭvajecca minimalna nieabchodny ŭzrovień kantrolu z boku dziaržavy.
Dla dasiahnieńnia hetych metaŭ uvodzicca paviedamlalny paradak ažyćciaŭleńnia najbolš raspaŭsiudžanych vidaŭ ekanamičnaj dziejnaści. Ich pieralik vyznačany Dekretam: heta bytavyja, turystyčnyja, sacyjalnyja pasłuhi, dziejnaść u śfiery handlu i hramadskaha charčavańnia, pieravozak pasažyraŭ i bahažu, vytvorčaść pradukcyi, budmateryjałaŭ i inšyja raspaŭsiudžanyja vidy dziejnaści. Takim čynam, dziejańnie dakumienta achoplivaje śfiery, u jakich skancentravana amal 95% małoha i siaredniaha biźniesu.
Ciapier dla zajmańnia hetymi vidami dziejnaści dastatkova budzie padać adzinaje paviedamleńnie ŭ vykankam praz słužbu «adno akno» (dapuskajecca paštovaje adpraŭleńnie z paviedamleńniem ab uručeńni) abo z dapamohaj partała elektronnych pasłuh. Na nastupny dzień užo možna budzie zajmacca zajaŭlenym vidam dziejnaści.
Dekretam taksama zaćvierdžany ahulnyja patrabavańni pažarnaj biaśpieki, sanitarna-epidemijałahičnyja patrabavańni, patrabavańni ŭ halinie achovy navakolnaha asiarodździa i vieterynaryi da raźmiaščeńnia, uładkavańnia, abstalavańnia, utrymańnia i ekspłuatacyi kapitalnych pabudoŭ, izalavanych pamiaškańniaŭ. Hetyja patrabavańni maksimalna sistematyzavany i skaročany. Jany buduć abaviazkovymi dla vykanańnia ŭsimi subjektami pry ažyćciaŭleńni ekanamičnaj dziejnaści.
Pałažeńni inšych techničnych narmatyŭnych pravavych aktaŭ, jakija źmiaščajuć patrabavańni ŭ hetaj śfiery, ciapier buduć mieć dla pradprymalnikaŭ rekamiendacyjny charaktar da ich admieny.
Dekretam maksimalna źnimajucca administracyjnyja barjery, źviazanyja z najaŭnaściu składanych i doŭhich pracedur, atrymańniem vialikaj kolkaści daviedak, uzhadnieńniaŭ i inšaj dazvolnaj dakumientacyi.
Tak, pradpryjemstvam śfiery handlu i hramadskaha charčavańnia nie treba budzie źviartacca ŭ vykankamy za ŭzhadnieńniem režymu raboty mahazinaŭ, restaranaŭ i kafe. Vyklučeńnie zroblena tolki dla ŭstanoŭ, jakija pracujuć u načny čas (z 23 da 7 hadzin). U śfiery transpartnaj dziejnaści adychodzić u minułaje abaviazkovaje patrabavańnie ab afarmleńni puciovak dla pieravozak pasažyraŭ i bahažu ŭ nierehularnych znosinach.
Admianiajucca inšyja zališnija i ekanamičnyja zatratnyja patrabavańni i abmiežavańni dla biźniesu ŭ śfierach vytvorčaści pradukcyi, budaŭničaj i transpartnaj dziejnaści, handli i inšych.
Adnačasova Dekret ustanaŭlivaje administracyjnuju adkaznaść kiraŭnika za zabieśpiačeńnie narmalnaj raboty pradpryjemstva. U pryvatnaści, za niepryniaćcie im nieabchodnych mier pa naležnaj arhanizacyi dziejnaści pradpryjemstva, što pryviało da škodnych nastupstvaŭ, kali niama prykmiet złačynstva abo inšaha administracyjnaha pravaparušeńnia, praduhledžany štraf ad 10 da 200 bazavych vieličyń.
Heta miera pryznačana na fonie libieralizacyi patrabavańniaŭ pavysić adkaznaść biźniesu za svaju dziejnaść pierad hramadstvam i dziaržavaj.
Dekret pryznačany nadać nieabchodny impuls raźvićciu pradprymalnickaj inicyjatyvy, stymulavać dziełavuju aktyŭnaść hramadzian i ŭ cełym palepšyć inviestycyjny klimat u krainie.
Ciapier čytajuć
Dziadok raskazaŭ, jak pavodziŭ by siabie ŭ siońniašniaj Biełarusi i što budzie dalej7
Kamientary