Ściapan Śvidzierski, jaki zrabiŭ niekalki strełaŭ 14 listapada ŭ siadzibie Thomson Reuters u Hdyni, raspavioŭ siońnia pra detali zdareńnia, raspaŭsiudziŭšy adpaviednuju zajavu, paviedamlaje onet.pl
«Na praciahu niekalkich hadoŭ ja zajmajusia spartovaj stralboju. Paśla taho, jak viasnoj 2017 hoda atrymaŭ dazvoł, ja pačaŭ rehularna prychodzić sa strelbaj na pracu. Ja nikoli nie chavaŭ hetaha faktu pierad inšymi supracoŭnikami, paźbiahajučy, adnak, niepatrebnaha afišavańnia i zachoŭvajučy zbroju zaŭsiody pry sabie ŭ futlary» — zajaviŭ Ściapan.
Pavodle raspoviedu mužčyny, u toj dzień jon źbiraŭsia vyjści z ofisu, kab pajści ŭ kramu niepadalok. Zbroju jon mieŭ namier uziać z saboju, bo polskaje prava abaviazvaje zaŭsiody trymać jaje pry sabie i nikoli nie pakidać jaje biez nahladu pad pahrozaju kryminalnaha pakarańnia.
Pavodle zajavy, u čas, kali jon apranaŭsia, jahony spartovy karabin Suhl KK-150 u futlary ŭziała ŭ ruki inšaja asoba i pačała addalacca ad jaho, nie reahujučy na šmatkrotnyja prośby viarnuć zbroju na miesca. Kali hetaja asoba nabliziłasia da leśvicy, mužčyna vyciahnuŭ svaju druhuju adzinku zbroi — pistalet Glock 17, i zrabiŭ papieradžalnyja streły.
Ściapan padkreślivaje, što miesca, ŭ jakoje jon celiŭ, nie stvarała niebiaśpieki dla inšych ludziej u pamiaškańni, i nichto nie byŭ paranieny. Pavodle jahonych słoŭ, heta jon chacieŭ pieršym vyklikać palicyju, ale jamu nie dali mahčymaści heta zrabić.
«Usie maje dziejańni byli nakiravanyja na abaronu zbroi, što vymahaje ad mianie zakon, i ja nie mieŭ namieru naškodzić kamu-niebudź» — padkreślivaje Ściapan Śvidzierski ŭ zajavie.
Paśla rezanansnaha incydentu, Śvidzierski byŭ zatrymany, ale nieŭzabavie adpuščany dadomu. Firma jaho adnak zvolniła, i zaraz polskija strałkovyja kłuby abvieścili zbor hrošaj na advakata dla jaho ŭ sudovym pracesie, jaki jaho čakaje.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
Kamientary