Biełarus maluje karciny naftaj. I navat zładziŭ vystavu ŭ Minsku
U Nacyjanalnym centry sučasnych mastactvaŭ ź siaredziny śniežnia adkryta piersanalnaja vystava mastaka z Rečycy Kiryła Michalenki, piša Tochka.by
Tut pakazany dva dziasiatki karcin, abjadnanych ahulnaj tematykaj. A hałoŭnaje — usie jany namalavanyja z dapamohaj nafty.
Sam aŭtar raskazvaje, što jana zaŭsiody była pobač, bo ŭsia jaho rečyckaja siamja tak ci inakš źviazana z pracaj nad čornym zołatam.
Mastak adznačyŭ, što pracavać z naftaj vielmi niaprosta.
«Navat praź miesiac vysychańnia pach usio roŭna zastajecca, ale ŭžo nie taki jarki. Pry stvareńni karcin vykarystoŭvaju reśpiratar, da taho ž u mianie jość vialikaje pamiaškańnie, u jakim ja stvaraju karciny», — raskazaŭ Kirył Michalenka.
U śviecie, pa jaho słovach, usiaho čatyry mastaki, jakija pišuć z dapamohaj nafty.
«Usio, što možna razhledzieć na tvorach, — tolki abstrakcyja. Kožny bačyć toje, što jon choča», — kaža aŭtar.
Adznačym, što pry stvareńni rabot Kirył Michalenka vykarystoŭvaŭ lon — papularny biełaruski materyjał.
Ekspazicyja budzie dastupnaja da 1 lutaha 2026 hoda pa adrasie: Minsk, vuł. Niakrasava, 3.
Pahladzieć na raboty možna ź sierady pa niadzielu z 12:00 da 20:00. Košt uvachodnaha bileta — ad Br4 da Br15.
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary