Z dapamohaj virtualnaj realnaści možna prahulacca pa ŭnikalnym kvartale, jaki budujecca ŭ Minsku VIDEA
U červieni 2017 hoda kampanija «A-100 Deviełapmient», viadomaja ŭsim pa mikrarajonie «Novaja Baravaja», jaki staŭ zakanadaŭcam sučasnaha dyzajnu dla biełaruskich zabudoŭščykaŭ, zajaviła ab pačatku budaŭnictva žyłoha kvartału «Pirs» na bierazie Zasłaŭskaha vadaschovišča.
Projdzie jašče hod, pakul źjavicca mahčymaść prahulacca pa ŭnikalnym dla našaj krainy kvartale. Miž tym, užo zaraz možna virtualna pabyvać u «Pirsie»: prajścisia pa jahonych darožkach, pastajać la vadaspada, zazirnuć u lubuju kvateru. Kampanija pieršaj u Biełarusi zrabiła taki markietynhavy chod: prapanavała patencyjnym pakupnikam virtualnuju ekskursiju pa svaim novym kvartale.
My vyrašyli prateściravać hetuju technałohiju i pabyvali ŭ ofisie prodažaŭ, jaki mieścicca ŭ «Novaj Baravoj». Usio, što nam spatrebiłasia, kab prajści skroź čas i apynucca ŭ całkam pabudavanym «Pirsie» — akulary virtualnaje realnaści i kampjutar.
Z dapamohaj klikiera, jaki znachodzicca ŭ rukach, možna pieramiaščacca ŭ luby punkt kvartała, u tym liku ŭ lubuju kvateru ci pientchaus.
Možna krucicca i hladzieć u roznyja baki, uharu, uniz. Chadzić nielha, ale niezaŭvažna dla siabie pakrysie realna pierasoŭvaješsia krychu ŭbok, i pierad vačyma ŭžo ŭźnikaje čyrvonaja sietka — prykmieta taho, što pierad taboju sapraŭdnaja ofisnaja pieraškoda.
Supracoŭniki kampanii sočać na manitory kampjutara za prahułkaj i ŭvieś čas raspaviadajuć, što znachodzicca pierad vačyma ŭ akularach, a paśla zakančeńnia ekskursii dajuć fłešku z zapisam prahułki.
Voś niekatoryja kadry:
Varta zaŭvažyć, jakaść zapisu nie adpaviadaje rečaisnaści, u toj čas jak u samich akularach usio nadzvyčaj vyrazna i realistyčna: časam navat zabyvaješsia, što ty ŭ virtualnym śviecie.
Hałoŭnaj «fiškaj» novaha kvartała «A-100 Deviełapmient» nazyvaje «urban-viły», jakija adroźnivajucca ad zvyčajnych haradskich damoŭ nievialikaj kolkaściu pavierchaŭ i kvater.
U «Pirsie» jany buduć piacipaviarchovyja, adnapadjezdavyja, abstalavanyja liftami. Kožnaja kvatera budzie mieć vialikuju płošču aškleńnia i ŭłasnuju terasu. Taki typ žylla charakterny dla Polščy, Niderłandaŭ, krain Bałtyi i radykalna adroźnivajecca ad typovaj zabudovy ŭ Biełarusi.
Ciapier čytajuć
«My nie viedali Siarhieja Cichanoŭskaha da siońniašniaj pres-kanfierencyi»10
Kamientary