Ab zakulisnych biełaruska-polskich pieramovach piša čałaviek, blizka znajomy z pazycyjaj polskaha MZS. Z kamentaroŭ na sajcie NN.
Ab zakulisnych biełaruska-polskich pieramovach piša čałaviek, blizka znajomy z pazycyjaj polskaha MZS. Z kamentaroŭ na sajcie NN.
Na forumie NN razharełasia sprečka adnosna pieramovaŭ pradstaŭnikoŭ aficyjnaj Varšavy ź biełaruskimi ŭładami, mahčymaje pryznańnie Eŭropaj budučych biełaruskich vybaraŭ, a taksama padziei ŭnutry Sajuzu palakaŭ na čale z Anžalikaj Borys.
Siarod kamentataraŭ jość niechta, chto padpisaŭsia niachitrym nikam «Z Polščy». Pa ŭsim bačna, što čałaviek dosyć padkavany ŭ pazycyi polskaha MZS.
Jon piša: «Ničoha z hetaha nia mieła b miesca (prabačcie, ale bieź Biełarusi abychodzilisia i spakojna by abychodzilisia ŭ Eŭropie i nadalej), kali b nie hruzinskija padziei. Paśla ich ničoha nie zastałosia, jak raniej. Byŭ dramatyčny vybar: adkazać na sprobu režymu naviazać kantakt z Zachadam ci jaje praihnaravać.
U novaj, vielmi składanaj sytuacyi, kali robicca hlabalny vybar, my pryniali rašeńnie — adkazać. Robicca heta, kaniečnie, nie dla režymu, ale dla ŭsich vas.Zrazumiejcie, na kampramisy treba iści zaŭsiody. Maral: kali pačynaje «pachnuć palenym», damaŭlacca davodzicca z realnaj uładaj. Tolki jana moža harantavać niejkaje vykanańnie vypracavanaha kampramisu (chacia ŭ nas, kaniečnie, mała iluzij na hety kont). U adnym vy mnie možacie pavieryć:
vas, hramadzian susiedniaj krainy, my nie vykarystoŭvajem «instrumentalna». My nie Rasieja i nia robim našu palityku ŭ rasiejskim styli.
U nastupnym paście kamentatar «Z Polščy» adkazvaje na zakidy tych, chto pačaŭ aburacca, što pieramovy adbyvajucca za śpinami biełaruskaj apazycyi, jakaja akazałasia trecim lišnim u hetych pracesach.
«Apazycyja ni za što nie adkazvaje. Navat u Zymbabve apazycyja bolš‑mieš adzinaja, tam jość z kim razmaŭlać i z kaho adkaz uziać. Nam pakul niama z kim damaŭlacca, aproč realnaj ułady. Taksama jak u KNDR niama z kim bolej damaŭlacca, aproč ułady, niahledziačy na toje, što ŭłady biespakarana nie vykonvaje nijakija svaje abaviazki».
Piša polski čytač sajtu i pra inšaje: «Za niezaležnaść, za prava hodna žyć, za prava razmaŭlać i vučycca na svajoj movie treba zmahacca. Navat stahodździami. U padarunak niezaležnaść nie atrymlivajuć. My heta dakazali na ŭłasnym prykładzie, koštam ahramadnych strataŭ i bieznadziejnaj baraćby. A vy nibyta imkniaciesia jaje vyhandlavać pa dziašoŭcy. Ale bajusia, što tak, jak udałosia Šuškieviču ŭ 1991, tak heta nia ŭdasca bolš nikomu», — skančvaje kamentatar.
Ciapier čytajuć
Vučniaŭ, jakija z matam parvali ekzamienacyjnyja bilety pa historyi Biełarusi, prymusili vybačacca kala manumienta Pieramohi46
Kamientary