U haradskim pasiołku Ivianiec dniom 2 śniežnia na pradpryjemstvie «S-Tenk», jakoje zajmajecca vytvorčaściu vodanahravalnikaŭ, adbyŭsia niaščasny vypadak. Uzarvaŭsia bojler. Zahinuŭ 40-hadovy ślesar, jaho 44-hadovy naparnik dastaŭleny ŭ balnicu.
Vałožynski rajonny adździeł Śledčaha kamiteta raspačaŭ kryminalnuju spravu. Pra heta raspavioŭ načalnik RASK Vital Jurevič. Infarmacyju ab niaščasnym vypadku paćvierdziŭ i ŭčastkovy inśpiektar milicyi Ivianca Valeryj Harbačeŭski.
Na adnym z etapaŭ vytvorčaści aŭtamatyčna zavarvajucca švy na bojlerach (bočki vyšynioj u 2 mietry i dyjamietram kala adnaho), potym vodanahravalnik praviarajuć na hiermietyčnaść, napaŭniajučy bojler pavietram.
U cechu jaho napoŭnili pavietram, kab pravieryć, ci nie prapuskajuć švy zvarki heta pavietra. Pobač znachodzilisia dva ślesary. U pačatku treciaj hadziny dnia niečakana prahrymieŭ vybuch, bojler razarvała znutry.
Vybuchovaj chvalaj 40-hadovaha ślesara adkinuła na šeść mietraŭ. Ad atrymanych traŭmaŭ jon pamior na miescy.
Jaho 44-hadovy naparnik adlacieŭ na čatyry mietry ad bočki. Pavodle papiaredniaj infarmacyi, u mužčyny strasieńnie hałaŭnoha mozhu. Jon dastaŭleny ŭ balnicu, pahrozy žyćciu niama.
Kamientary