WTA nazvała hałoŭnuju niečakanaść siezona 2017 hoda. Joj stała pieramoha łatvijskaj tenisistki Aleny Astapienka na «Rałan Haros» u pačatku červienia, piša RBK.
Finał «Rałan Haros» Astapienka vyjhrała ŭ adnoj z hałoŭnych favarytak turniru rumynki Simony Chalep. Chalep była pasiejana na turniry pad druhim numaram, Astapienka nie ŭvajšła ŭ lik siejanych.
Niahledziačy na toje što Chalep była značna bolš vopytnaj i ličyłasia favarytam, Astapienka zmahła pieramahčy ŭ troch setach. Finalny matč skončyŭsia ź likam 4:6, 6:4, 6:3 na karyść łatvijskaj tenisistki. Jana stała pieršaj u historyi Adkrytaj ery, jakoj udałosia vyjhrać Adkryty čempijanat Francyi, nie budučy siejanaj.
U dalejšym Astapienka zmahła vyjhrać druhi tytuł u karjery - jana pieramahła na nievialikim turniry ŭ Sieule. Akramia taho, łatvijskaja tenisistka trojčy dachodziła da finałaŭ — u Kviebieku, Katary i Čarłstanie.
Da kanca siezona Astapienka padniałasia na siomaje miesca ŭ rejtynhu — heta pakul najvyšejšaja dla jaje pazicyja ŭ karjery.
Łatvijskaja tenisistka zmahła prabicca ŭ lik udzielnic Vynikovaha čempijanatu WTA - u hetym turniry hulajuć vosiem najmacniejšych tenisistak siezona. Na hetym turniry jana vystupiła niaŭdała i nie zmahła vyjści ŭ paŭfinał.
-
U Hrodnie žyvuju tranślacyju matča «Niomana» z «Raja Valjekana» pakažuć na hałoŭnaj płoščy
-
«Na movie Rasii my tut nie razmaŭlajem». Sudździa čempijanatu Ukrainy tak arhumientavała žoŭtuju kartku za niespartyŭnyja pavodziny
-
10-hadovaja brytanka stała najmałodšaj dziaŭčynkaj, jakaja pieramahła šachmatnaha hrosmajstra
Ciapier čytajuć
«Jon kazaŭ, što zołata z saboj nie zabiareš, lepiej zrabić niešta dla inšych». Dačka biznesmiena Kalina raskazała, jak razam z bratam čakaje jaho z kałonii
Kamientary