WTA назвала галоўную нечаканасць сезона 2017 года. Ёй стала перамога латвійскай тэнісісткі Алены Астапенка на «Ралан Гарос» у пачатку чэрвеня, піша РБК.
Фінал «Ралан Гарос» Астапенка выйграла ў адной з галоўных фаварытак турніру румынкі Сімоны Халеп. Халеп была пасеяна на турніры пад другім нумарам, Астапенка не ўвайшла ў лік сеяных.
Нягледзячы на тое што Халеп была значна больш вопытнай і лічылася фаварытам, Астапенка змагла перамагчы ў трох сэтах. Фінальны матч скончыўся з лікам 4:6, 6:4, 6:3 на карысць латвійскай тэнісісткі. Яна стала першай у гісторыі Адкрытай эры, якой удалося выйграць Адкрыты чэмпіянат Францыі, не будучы сеянай.
У далейшым Астапенка змагла выйграць другі тытул у кар'еры - яна перамагла на невялікім турніры ў Сеуле. Акрамя таго, латвійская тэнісістка тройчы даходзіла да фіналаў — у Квебеку, Катары і Чарлстане.
Да канца сезона Астапенка паднялася на сёмае месца ў рэйтынгу — гэта пакуль найвышэйшая для яе пазіцыя ў кар'еры.
Латвійская тэнісістка змагла прабіцца ў лік удзельніц Выніковага чэмпіянату WTA - у гэтым турніры гуляюць восем наймацнейшых тэнісістак сезона. На гэтым турніры яна выступіла няўдала і не змагла выйсці ў паўфінал.
Цяпер чытаюць
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы2121
Каментары