Dva hady minuła z taho, jak u Sajuzie biełaruskich piśmieńnikaŭ vyjšła pieršaja knižka pra Petsana i Findusa. Za hety čas historyi pra viaskoŭca Petsana i niaŭrymślivaha katka Findusa stali najlepš pradavanymi i, bieź pierabolšańnia, ulubionymi knihami biełaruskich dzietak. Da sioletnich Kaladaŭ prapanujem novy padarunak — skarbonku ź dzieviaćciu aŭdyjoknihami pra Petsana i Findusa!
Ciopłyja i śmiešnyja historyi pra pryhody dziaduli Petsana i kocika Findusa, stvoranyja šviedskim piśmieńnikam i mastakom Svenam Nurdkvistam, viadomyja i lubimyja dziećmi dy ich baćkami ŭ mnohich krainach śvietu, pierakładzienyja na 44 movy i razyšlisia nakładam bolš jak 6 miljonaŭ ekzemplaraŭ. Dva hady tamu dziadula i kocik upieršyniu zahavaryli pa-biełarusku dziakujučy pierakładčycy Nadziei Kandrusievič, a ŭ 2017-m usie papiarovyja vydańni i nie vydadzienyja jašče knihi akciory Kupałaŭskaha teatra Hanna Chitryk i Pavieł Charłančuk načytali ŭ studyi NERV Records.
Knihi Svena Nurdkvista ŭžo stali kłasikaj šviedskaj litaratury, a jaho niezvyčajnyja ilustracyi, adnačasova nasyčanyja koleram i detalami, pryvablivajuć i dzietak, i darosłych. Aŭtar naradziŭsia ŭ 1946 hodzie ŭ Chielsinborhu, pracavaŭ u roznyja časy architektaram, nastaŭnikam, ilustrataram, ale malavańnie cikaviła jaho najbolš ciaham usiaho žyćcia. Pieršaja kniha ź sieryi pra Petsana i Findusa źjaviłasia ažno ŭ 1984 hodzie.
Kuplajcie aŭdyjoknihi pra Petsana i Findusa ŭ minskich kniharniach i ŭ knihanošaŭ: «Akademkniha», «Centralnaja», «Moj modny kut», «Halijafy», «Kniharnia piśmieńnika», «Śvietač», «Viedy», «Knihi i knižački», «Rahna», «Hareza baj», «Eŭryka», «Ryžy kot», «Sundučok», IP Aleś Dudar.
Z dasyłkaj pa Biełarusi: Internet-kniharnia Knihi.by,
Z dasyłkaj pa ŭsim śviecie: symbal.by.
Ciapier čytajuć
Cichanoŭski na mitynhu ŭ Varšavie: Ja złamaju hety režym VIDEA4
Kamientary