U Francyi adkryli haračuju liniju dla «achviaraŭ» abaroncaŭ žyvioł
Miarkujuć, što pa dapamohu buduć źviartacca amatary futra i skury, paviedamlaje birdinflight.com.
Francuzskaja fiederacyja futra stvaryła haračuju liniju dla tych, chto paciarpieŭ ad aktyvistaŭ zoaabarončych arhanizacyj, dakładvaje vydańnie WWD. Patelefanavaŭšy pa numary, čałaviek zmoža atrymać psichałahičnuju dapamohu i jurydyčnuju kansultacyju.
«Kožny tydzień ludzi, jakija nosiać futra, padviarhajucca vusnaj i fizičnaj ahresii z boku radykalnych aktyvistaŭ», — raspaviali pradstaŭniki Francuzskaj fiederacyi futra.
Akramia taho, arhanizacyja płanuje pryciahnuć da adkazu marki, jakija «publična admaŭlajucca ad futra, ale pry hetym vykarystoŭvajuć inšyja materyjały žyviolnaha pachodžańnia pry stvareńnia svaich kalekcyj — takija jak skura, voŭna i šoŭk».
Taksama jość pytańni da damoŭ mod, «jakija zaklikajuć vykarystoŭvać zamiest futra sintetyčnyja materyjały, atrymanyja z nafty, jakija nie hnijuć i zabrudžvajuć navakolle».
U adkaz na heta ŭ zoaabarončaj arhanizacyi PETA zajavili: «Pakul na vitrynach kramaŭ jość adzieńnie, vyrablenaje sa skury žyvioł, PETA i inšyja asacyjacyi i aktyvisty buduć praciahvać baranić žyvioł, jakich padviarhajuć pakutam i zabivajuć. My taksama zaklikajem spažyŭcoŭ, jakija zaniepakojenyja dabrabytam žyvioł, patrabavać ad uładaŭ zabarony vytvorčaści futra ŭ Francyi».
Ciapier čytajuć
Na pieradśmiarotnym videa z kałonii nasamreč byŭ nie Vitold Ašurak. Źjavilisia novyja padrabiaznaści śmierci palitviaźnia26
Kamientary