Jak paviedamlaje vydańnie Air Force Times, padpisany prezidentam ZŠA Donaldam Trampam prajekt vajennaha biudžeta daje mahčymaść kiraŭnictvu VPS nabyvać ziamielnyja ŭčastki i ŭzvodzić infrastrukturu pa-za miežami Złučanych Štataŭ. U 2018 hodzie płanujecca vydatkavać kala $ 214 młn na budaŭnictva vajennych abjektaŭ u Isłandyi, Narviehii, a taksama ŭ bolšaści krain Uschodniaj Jeŭropy.
Zaznačajecca, što fondy, jakija vykarystoŭvajucca dla finansavańnia budaŭnictva baz, źjaŭlajucca častkaj biudžetu «Jeŭrapiejskaj inicyjatyvy strymlivańnia» — prahramy vajskovaj dapamohi sajuźnikam pa NATA ŭ Jeŭropie, pryniataj nieŭzabavie paśla pačatku kanfliktu va Ukrainie.
Aficyjny pradstaŭnik amierykanskaha vajskovaha kamandavańnia ŭ Jeŭropie major Chuan Marcinies zajaviŭ, što nie moža raskryć usie detali płana, adnak źviarnuŭ uvahu, što havorka idzie ŭ tym liku ab pierakidcy na vajskovyja bazy samalotaŭ piataha pakaleńnia F-22 Raptor i F-35 Strike Fighter, jakija pavinny buduć adsočvać aktyŭnaść rasijskich VKS na Paŭnočnym i Bałtyjskim morach. Akramia hetaha płanujecca pabudavać novyja anhary na avijabazie ŭ isłandskim Kiefłaviku, dzie raźmieściacca samaloty P-8 Poseidon, jakija adsočvajuć padvodnyja łodki.
Što tyčycca Uschodniaj Jeŭropy, tut Pientahon zapłanavaŭ rekanstrukcyju avijabazy ŭ vienhierskim Kiečkiemiecie: $ 55 młn miarkujecca vydatkavać na ŭźviadzieńnie dadatkovych paliŭnych anharaŭ i budaŭnictva druhoj uźlotna-pasadačnaj pałasy.
Marcinies pakazaŭ, što budaŭnictva novych aeradromaŭ i trenirovačnych centraŭ u Jeŭropie daść mahčymaść pavysić uzrovień hatoŭnaści ZŠA i ich sajuźnikaŭ u rehijonie. Pry hetym jon padkreśliŭ, što Złučanyja Štaty nie majuć namier raźmiaščać na novych bazach pastajanny piersanał: abjekty buduć vykarystoŭvacca jak transpartnyja vuzły, na jakija mohuć pry nieabchodnasci pierakidacca dadatkovyja siły.
Ciapier čytajuć
«U vyniku jon skazaŭ mnie: «Chopić mianie šantažavać, ja chaču palubavacca hetymi drevami». Aksana Kołb raskazała, pra što razmaŭlała sa Statkievičam na miažy88
Kamientary