Niamiecki kancern «Knauf» uzhadniŭ umovy pa nabyćci 50% doli ŭ statutnym kapitale rasijskaj «Karparacyi «Vołma», jakoj naležyć «Biełhips». Pra heta paviedamili ŭdzielniki ŭhody siońnia na pres-kanfierencyi ŭ Minsku, piša Tut.by
«Knauf», jaki daŭno prajaŭlaŭ cikavaść da nabyćcia «Biełhipsa», maje namier naraścić prysutnaść u Biełarusi, Ukrainie i krainach Bałtyi. «Łakalizacyja vytvorčaści budaŭničaj pradukcyi ŭ Biełarusi dazvolić zadavalniać popyt spažyŭcoŭ Biełarusi i bližejšych dziaržaŭ budaŭničymi materyjałami vysokaj jakaści. My razhladajem biełaruski rynak budmateryjałaŭ jak pierśpiektyŭny i hatovy ŭkładać inviestycyi dla jaho raźvićcia», — paviedamiŭ kiraŭnik hrupy Knauf SND Janis Kraŭlis.
«U suviazi z nabyćciom doli ŭ Karparacyi «Vołma» hrupa Knauf pryniała na siabie pałovu abaviazacielstvaŭ pa inviestavańni srodkaŭ u Biełhips», - zajavili na pres-kanfierencyi.
«Važnyja inviestycyi, padatkovyja pastupleńni i zarabotnaja płata, jakaja na Biełhipsie za hod vyrasła da 1270 rubloŭ», — zajaviŭ ministr architektury i budaŭnictva Anatol Čorny.
Ahulny abjom inviestycyj u prajekt składzie 70 młn jeŭra, paviedamiŭ kiraŭnik partnior hrupy Knauf Manfred Hrundkie. Jon spadziajecca nasycić pradukcyjaj biełaruski rynak i ažyćciaŭlać pastaŭki na inšyja rynki, bo mahutnaści novaha zavoda pieravyšajuć patrebnaść rynku Biełarusi pa hipsakardonie ŭ 3 razy. Zrešty, Hrundkie raźličvaje, što rynak Biełarusi budzie raści. Pavodle jaho słoŭ, haspadar Knauf žadaje stać samym bujnym padatkapłacielščykam u krainie prysutnaści. «U takim vypadku jon moža i sam zarabić, i płacić vysoki zarobak», — udakładniŭ kiraŭnik partnior.
Novy zavod «Biełhips», što budujecca ŭ Hatava, płanujecca adkryć u kancy 2018 hoda.
Tramp padziakavaŭ «mahutnamu lidaru Biełarusi»: Spadziajusia, 1300 čałaviek chutka buduć vyzvaleny!55
Tramp padziakavaŭ «mahutnamu lidaru Biełarusi»: Spadziajusia, 1300 čałaviek chutka buduć vyzvaleny!
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał1010
Kamientary