Нямецкі канцэрн «Кнауф» узгадніў умовы па набыцці 50% долі ў статутным капітале расійскай «Карпарацыі «Волма», якой належыць «Белгіпс». Пра гэта паведамілі ўдзельнікі ўгоды сёння на прэс-канферэнцыі ў Мінску, піша Tut.by
«Кнауф», які даўно праяўляў цікавасць да набыцця «Белгіпса», мае намер нарасціць прысутнасць у Беларусі, Украіне і краінах Балтыі. «Лакалізацыя вытворчасці будаўнічай прадукцыі ў Беларусі дазволіць задавальняць попыт спажыўцоў Беларусі і бліжэйшых дзяржаў будаўнічымі матэрыяламі высокай якасці. Мы разглядаем беларускі рынак будматэрыялаў як перспектыўны і гатовы ўкладаць інвестыцыі для яго развіцця», — паведаміў кіраўнік групы Кнауф СНД Яніс Краўліс.
«У сувязі з набыццём долі ў Карпарацыі «Волма» група Кнауф прыняла на сябе палову абавязацельстваў па інвеставанні сродкаў у Белгіпс», - заявілі на прэс-канферэнцыі.
«Важныя інвестыцыі, падатковыя паступленні і заработная плата, якая на Белгіпсе за год вырасла да 1270 рублёў», — заявіў міністр архітэктуры і будаўніцтва Анатоль Чорны.
Агульны аб'ём інвестыцый у праект складзе 70 млн еўра, паведаміў кіраўнік партнёр групы Кнауф Манфрэд Грундке. Ён спадзяецца насыціць прадукцыяй беларускі рынак і ажыццяўляць пастаўкі на іншыя рынкі, бо магутнасці новага завода перавышаюць патрэбнасць рынку Беларусі па гіпсакардоне ў 3 разы. Зрэшты, Грундке разлічвае, што рынак Беларусі будзе расці. Паводле яго слоў, гаспадар Кнауф жадае стаць самым буйным падаткаплацельшчыкам у краіне прысутнасці. «У такім выпадку ён можа і сам зарабіць, і плаціць высокі заробак», — удакладніў кіраўнік партнёр.
Новы завод «Белгіпс», што будуецца ў Гатава, плануецца адкрыць у канцы 2018 года.
-
«Мая праца згарэла». Беларускія бізнэсы страцілі тавар на складах Wildberries, але маюць больш шанцаў на кампенсацыю, чым расіяне
-
20 літраў у бак і ніякіх каністраў? Ці сапраўды на беларускіх запраўках на мяжы з Расіяй увялі ліміты на бензін
-
Кітайскі стартап выпусціў ШІ-мадэль, якая абышла амерыканскія аналагі
Каментары