Novy kiraŭnik polskaha ŭrada Matevuš Maraviecki miarkuje, što Polšča paśla Druhoj suśvietnaj vajny nie atrymała paŭnavartasnaj kampiensacyi za paniesienyja straty i maje prava ŭnieści temu reparacyj na paradak dnia polska-hiermanskich pieramoŭ. Pra heta jon zajaviŭ u paniadziełak u intervju Radio Szczecin.
«My ličym, što Polšča nie atrymała adekvatnych reparacyj abo realnaj, faktyčnaj, istotnaj kampiensacyi ŭ paraŭnańni z krainami, jakija paciarpieli našmat mienš za nas», — adznačyŭ Maraviecki. «Pytańnie ab reparacyjach pavinna źjavicca na paradku dnia polska-hiermanskich pieramoŭ», — kanstatavaŭ jon.
Tema reparacyj pačała abmiarkoŭvacca ŭ Polščy ź lipienia, kali lidar kiroŭnaj partyi «Zakon i spraviadlivaść» Jarasłaŭ Kačyński zajaviŭ, što kraina nikoli nie admaŭlałasia ad kampiensacyj z boku Hiermanii. U svaju čarhu ministr nacyjanalnaj abarony Antonij Maciarevič paviedamiŭ u efiry Polskaha telebačańnia, što z pravavoha punktu hledžańnia Varšava maje ŭsie padstavy patrabavać ad Bierlina reparacyj.
Va ŭradzie Hiermanii nieadnarazova kazali, što nie bačać padstaŭ dla jakich-niebudź vypłat, bo ŭ 1953 hodzie Polšča aficyjna admoviłasia ad reparacyj. U Varšavie śćviardžajuć, što pahadnieńnie 1953 hoda było padpisana z parušeńniem prava pad ciskam SSSR i tyčyłasia tolki nieisnujučych užo HDR i Polskaj Narodnaj Respubliki, jakaja, pa viersii miascovych analitykaŭ, nie źjaŭlałasia samastojnaj suvierennaj dziaržavaj.
Jak padličyŭ polski Siejm raniej, škoda, pryčynienaja Hiermanijaj Polščy ŭ pieryjad vajny, skłała 258 młrd davajennych złotych. U pieraliku na amierykanskuju valutu jon dasiahaŭ $ 48,8 młrd, uličvajučy kurs pa stanie na žnivień 1939 hoda, kali 1 dalar adpaviadaŭ 5,3 złotaha. Padkreślivajecca taksama, što paśla vajny Polšča i jaje hramadzianie atrymali ad Niamieččyny niepamierna małyja ŭ paraŭnańni ź inšymi dziaržavami reparacyjami — kala 600 młn niamieckich marak.
Ciapier čytajuć
Ihar Tur patraciŭ minimum 30 tysiač na premijalnuju kuchniu FOTA10
Ihar Tur patraciŭ minimum 30 tysiač na premijalnuju kuchniu FOTA
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»
Kamientary