Śledstva pryjšło da vysnovy, što ŭ dziejańniach žančyny prahledžvajucca prykmiety pravaparušeńnia, a nie kryminalnaha złačynstva, paviedamiła aficyjny pradstaŭnik USK pa rehijonie Śviatłana Sacharava.
— U siłu svajoj małaznačnaści vytvorčaść papiaredniaha śledstva pa kryminalnaj spravie padlahaje spynieńniu. Dla pryciahnieńnia žančyny da administracyjnaj adkaznaści materyjały pieradadzieny ŭ orhany ŭnutranych spraŭ.
Pavodle jaje słoŭ, śledčymi pryniaty ŭsie miery pa nivielavańni kanfliktu — adnak žančyna ŭ kateharyčnaj formie admoviłasia pryznać svajo pravaparušeńnie i tym bolš pahadžacca z paciarpiełym bokam, ličačy svoj učynak normaj pavodzinaŭ.
U svaju čarhu, žančyna, što zrezała kvietki na kłumbie ŭ šmatpaviarchovika ŭ Viciebsku, raniej raspaviadała, što ŭ tłumačeńni, dadzienym u milicyi, skazała, što «abaviazvajecca toj žančynie pasadzić pa viaśnie kust. Jaho košt na samaj spravie ad 2,5 da 4 rubloŭ. Adnak albo žančynu nie pastavili ab hetym u viadomaść, albo heta jaje nie zadavoliła».
Nahadajem, kala doma № 8 na vulicy Miedycynskaj ŭ Viciebsku mama z 15-hadovaj dačkoj sarvali z kłumby 25 kvietak ačytka. Heta zaŭvažyła žycharka pieršaha paviercha. Žančyna źniała «akt vandalizmu» na kamieru i napisała zajavu ŭ milicyju. Paśla praviedzienaj AUS pravierki materyjał pastupiŭ z prakuratury Viciebska ŭ śledstva. Śledčy kamitet pačaŭ kryminalnuju spravu pa fakcie rabavańnia, ździejśnienaha hrupaj asobaŭ.
Ciapier čytajuć
Kaledž chacieŭ zasudzić studenta i spahnać ź jaho 13 tysiač rubloŭ — ale junak daŭ adpor sistemie1
Kamientary