Hid pa navahodnich padarunkach: 15 varyjantaŭ siurpryzaŭ dla kaleh, siabroŭ i kachanych. Ad biudžetnych da salidnych
Novy hod nie za harami. Kab nie stajać u čerhach pa padarunki samym hałoŭnym ludziam u vašym žyćci 31 śniežnia, prapanujem pakłapacicca pra pakupki ciapier.
Abrać kłasny padarunak pad jełku — sprava nie ź lohkich, ale my razam z anłajn-hipiermarkietam 21vek.by pakłapacilisia pra heta za vas: zvuzili prapanovy da 15 pazicyj. Što pryjemna, lubuju reč z hetaha šort-lista možna zakazać prama na dom ci ofis. Kožnaja pazicyja źmiaščaje hrupu tavaraŭ z roznymi cenami, tamu vy lohka znojdziecie toje, što pa kišeni mienavita vam.
Dla ŭsich
Zamiest bukietu — žyvaja jalinka
Peŭna, u kožnaha z nas jość znajomyja, jakija viečna ničoha nie paśpiavajuć, i za košt hetaha hublajuć šmat čaroŭnych momantaŭ u žyćci. A moža, vy sami da hetaha času nie abzavialisia hałoŭnym navahodnim atrybutam? Chopić adkładvać na apošni momant, prezientujcie sabie ci znajomym sapraŭdnuju pryhažuniu-jalinku.
Jak ni kruci, raskošnaje, pušystaje, pachkaje dreva nie paraŭniajecca ź biazdušnymi płastmaskami (i tak, dla ekałohii śpiecyjalna vyraščanyja ŭ pitomnikach jołki — bolš biaskryŭdnaja štuka).
Akramia taho, śpiecyjalna vyraščanyja jołki nie buduć asypacca adrazu ž paśla taho, jak ścichnie boj kurantaŭ: naprykład, dackija drevy nie zhubiać nivodnaj ihołački minimum ciaham dvuch miesiacaŭ.
Upryhožvać raim razam ź siamjoj, jak u dziacinstvie. Heta vielmi zbližaje.
Dla kaleh
Skarbonki, kab adkładać na bieły dzień
Fanaty haraskopaŭ viedajuć, što nadychodziačy hod budzie časam «žoŭtaha sabaki». Tamu naturalna, što šmat suvieniraŭ pryśviečanyja hetaj temie. Ale vy možacie abrać i inšych žyviołak u jakaści skarbonki (kamu chto bolš pa dušy).
Prezientujcie ich tym, chto tak i nie navučyŭsia adkładać hrošy. Paśla denaminacyi manietki ŭsprymajucca jak drobiaź, ale kali štodzień kidać chacia b pa niekalki rubloŭ u takuju pasudzinu, da nastupnaha hoda lohka možna naźbirać na adpačynak.
Partamaniety, čachły dla dakumientaŭ ci vizitovak
Kłasnyja dapamožniki dla tych, u kaho pastajanna ŭ sumcy kamiečacca važnyja papiery: vizitoŭki ad klijentaŭ, recepty ad daktaroŭ, aŭtadakumienty ci važnyja daviedki. Z naturalnaj skury ci štučnaj, roznych koleraŭ — padbiarycie dla ludziej, z kim vy štodzień znachodziciesia pobač minimum pa 8 hadzin, niešta sapraŭdy indyvidualnaje i karysnaje.
Nastolnyja hulni
Pokier ci damino, evalucyja ci manapolija? A moža, sapraŭdny adpaviednik hulni z multsieryjała «Čas pryhod», u jakuju rubilisia Fin i Džejk? U nastołki možna hulacca, pačynajučy ad samaha maleńkaha ŭzrostu i až da piensijonnaha — u hetym ich hałoŭnaja pryvabnaść. A ŭžo što budziecie treniravać — kiemlivaść ci kamandy duch, — abirajcie sami.
Ułasnaja mini-kaviarnia ŭ ofisie
Chopić finansavać kaviarni, nabyvajučy kavu z saboj z šalonymi nacenkami! Skińciesia kalektyvam pa pary dziasiatkaŭ rubloŭ i zrabicie sabie šykoŭny padarunak — kava-mašynu, napoi jakoj buduć badzioryć kožnaha z vas ranicami 2018 hoda. Hladziš, i praduktyŭnaść pracy pavialičycca.
Navat dosyć biudžetny varyjant dapamoža lohka hatavać i espresa, i łate, i kapučyna. A pry žadańni navat stvarać na małočnaj piency malunki — dla tych, kamu važna, kab było nie tolki smačna, ale i pryhoža.
Dla siabroŭ
Formy dla budučych kulinarnych šedeŭraŭ
Fajny padarunak dla tych, chto lubić hatavać. U suviazi ź zimovymi śviatami asabliva raim źviarnuć uvahu na formy ź nieržaviejki, jakija paŭtarajuć jołki ci śniehavikoŭ: takija navat nie treba zmazvać alejem pierad tym, jak stavić u duchoŭku — ciesta ŭ ich zvyčajna nie padharaje.
Kali vaš siabar nie lubić hatavać, prezientujcie formu adrazu ź pirahom — padarunak zapomnicca, adnaznačna.
Pledy dla ciopłych zimovych viečaroŭ
Pledy nie prosta ratujuć viečnych mierźlakoŭ navat u pamiaškańni z aciapleńniem, jany sami pa sabie dadajuć u luboje pamiaškańnie notku ŭtulnaści. Dyzajniery śćviardžajuć, što ŭ hetym siezonie ŭ modzie kletka, tamu možacie źviarnuć uvahu na vaŭniany, ciopły varyjant z kłasičnym šatłandskim malunkam ci abrać pokryva z rukavami. Taki hibryd unikalny tym, što ŭ im možna prosta lažać, a paśla padniacca, nalić sabie harbaty i chutka viarnucca nazad: pled pry hetym nie ŭpadzie i nie zabłytajecca ŭ vašych nahach.
Dla dziaciej
Lubimy dziciačy kanstruktar
«Leha» — adna z samych lubimych dziećmi cacak. Z nahody vychadu novych «Zornych vojnaŭ» rekamiendujem prezientavać samym maleńkim členam siamji kanstruktar z kaśmičnaj sieryi: chaj dzieci fantazirujuć i źbiaruć sabie ŭłasny kaśmičny šatł.
A ŭvohule z kanstruktara možna stvaryć što zaŭhodna: naprykład, aŭtarskuju piceryju, harnałyžny kurort ci navat ułasnuju žaleznuju darohu.
Jak samakat, tolki pa śniezie
Mietearołahi abiacali, što zima budzie chałodnaj. Pakul heta nie spraŭdžvajecca navat i na 30 adsotkaŭ, ale ž kolki ščaścia adčuvajuć dzieci, kali śnieh narešcie ŭkryvaje horad! Dla takich vypadkaŭ u domie abaviazkova pavinny prysutničać sanki, jašče lepš — modny śniehakat.
Pry kupli abaviazkova źviartajcie ŭvahu na toje, jakuju vahu zdolnaja vytrymać mašyna, ź jakoha materyjału ŭ jaje zrobleny korpus i ci jość u joj ubudavanyja tarmazy.
«Jingle bells» u dobraj jakaści
Dobryja navušniki — heta, pa-pieršaje, kłopat pra słychavyja orhany vašych naščadkaŭ, pa-druhoje, poŭnaje trapleńnie ŭ płanie padarunka. Jaho aceniać i tyja padletki, jakija lubiać muzyku, i tyja, chto zachaplajecca kampjutarnymi hulniami ci filmami.
Dla kachanych
Pryhožyja łyžki i videlcy
Jak pakazvaje praktyka, nie byvaje lišnich stałovych pryboraŭ — kali prychodziać hości, kamuści zaŭsiody moža nie chapić to łyžki, to videlcaŭ. A jašče, čas ad času, jany kudyści źnikajuć. Raim praduhledzieć takija situacyi i zahadzia zapaścisia stałovymi pryborami, ź jakimi možna sustrakać haściej navat na samyja maštabnyja viečaryny: źviarnicie ŭvahu na niezvyčajnyja varyjanty, naprykład, sa smajłami.
Vaš kišenny kaśmietołah
Zimovaje nadvorje ź jaho pastajannymi pierapadami tempieratury nie škaduje nikoha i ničoha. Dohlad nieabaronienych častak skury kštałtu tvaru ŭ hety čas patrabujecca asablivy. Pakłapaciciesia pra vašaha kachanaha — prezientujcie poŭny nabor pa dohladzie tvaru. Akramia ščotki dla ačyščeńnia, rolikavaha masažora i sponžaŭ, niekatoryja kamplekty ŭklučajuć uklučajuć u siabie prybory, jakija daviaduć da ładu paznohci i nohi. Padarunak moža być jak zusim aščadnym (ad 40 rubloŭ), tak i salidnym: utraja daražejšym. Tut užo zaležyć ad vašych mahčymaściaŭ i pažadańniaŭ.
Univiersalny padarunak — smartfony
Składana ŭjavić siabie siońnia biez smartfonaŭ: my čytajem tam naviny, knižki, słuchajem ź ich dapamohaj muzyku, robim pamiatnyja fotazdymki, skrolim sacsietki i hladzim filmy. Jany robiać nas sapraŭdy mabilnymi, a kali łamajucca, to adrazu ŭźnikaje adčuvańnie «jak biez ruk». Kali hadžet vašaha partniora nie spraŭlajecca z ŭsimi vyšej pieraličanymi funkcyjami — samy čas źmianić jaho na bolš sučasny. Tym bolš, što siońnia isnuje šmat dastupnych pa canie madelaŭ kštałtu Xiaomi Redmi 4A, naprykład, ci Nokia 2 Dual / TA-1029.
Dla baćkoŭ
Chatni masažyst
Z uzrostam nohi stamlajucca kudy chutčej, čym u maładości, i časam varyjant prosta palažać na kanapie nie ratuje ich ad stomy. Tut užo patrebny b masaž, jaki možna arhanizavać naŭprost doma. Śpiecyjalnyja vannački dla noh dazvalajuć rabić jak burbałkavyja masažy, tak i ź vibracyjaj — nohi paśla takich pracedur rassłablajucca chutka i jakasna.
Uvilhatnialniki pavietra
Jašče adzin prybor, jaki ratuje zdaroŭje ŭ časy aciapleńnia, kali batarei sušać pavietra, a heta, u svaju čarhu, niadobra ŭpłyvaje na pracu nosa, nyrak i ŭ cełym na imunitet. Uvilhatnialniki pieraškadžajuć kancentracyi škodnych mikraarhanizmaŭ. Dziakujučy im, u pamiaškańni lohka stvarajecca zdarovy mikraklimat, jaki tak nieabchodny dzieciam i ludziam, schilnym da alerhičnych reakcyj i prastudnych zachvorvańniaŭ. Karaciej, reč u našych umovach niezamiennaja.
Novy člen siamji — robat-pyłasos
Jak ni kruci, ale ŭborka doma sa standartnym pyłasosam i vilhotnymi anučami ŭsio roŭna nie daść taki ž efiekt čyścini, jaki pakidaje paśla siabie robat. Svajoj mahutnaściu i mahčymaściami ruchacca roznymi sposabami (zihzaham, pa śpirali, uzdoŭž ścien) jon dasiahaje tych miescaŭ, ź jakich zvyčajnymi sposabami dastać pył i brud amal niemahčyma. Kłasnaja reč dla tych, chto cenić svaje siły i čas.
Chalava! Usie čytačy «Našaj Nivy» mohuć zakazać žyvuju jołku sabie damoŭ z 10%-aj źnižkaj! Dla hetaha, zamaŭlajučy tavar u internet-kramie 21vek.by, vykarystoŭvajcie promakod «NN».
«Zabić jaho ci adrezać jamu jajcy ja nie rašyŭsia». Padrabiaznaści trahiedyi ŭ Hdańsku, dzie vajar katavaŭ bojfrenda, a paśla zabiŭ siabie65
Kamientary