Demijann Hryn, kiraŭnik aparata brytanskaha premjer-ministra i adzin z najbližejšych paplečnikaŭ Terezy Mej, byŭ zvolnieny paśla taho, jak u vyniku rasśledavańnia vyśvietliłasia, što jon parušyŭ patrabavańni ministerskaha pratakołu.
Paviedamlajecca, što farmalna Hryn padaŭ u adstaŭku dobraachvotna, paśla taho jak jaho nastojliva paprasili syści.
Rasśledavańnie pryjšło da vysnovy, što Hryn daŭ «niedakładnyja i niepraŭdzivyja» pakazańni adnosna taho, što jamu było viadoma pra padazreńni ŭ tym, što ŭ 2008 hodzie ŭ jaho pracoŭnym kampjutary ŭ pałacie abščyn zachoŭvałasia parnahrafija.
U svaim liście z prośbaj ab adstaŭcy Hryn prynios prabačeńni za svaje dziejańni. U adkaz premjer-ministr Tereza Mej vykazała hłybokaje škadavańnie ŭ suviazi ź jaho adychodam.
Heta ŭžo treciaja skandalnaja adstaŭka ŭ brytanskim kabiniecie za apošnija dva miesiacy. Raniej urad pakinuli ministr abarony Majkł Fełan i ministr pa mižnarodnym raźvićci Pryty Pateł.
61-hadovy Demijan Hryn, jaki ŭ jakaści pieršaha dziaržsakratara byŭ faktyčna namieśnikam premjer-ministra Brytanii, staŭ abjektam rasśledavańnia z pryčyny abvinavačvańniaŭ u nieprystojnych pavodzinach.
Sam jon abviarhaŭ abvinavačvańni ŭ damahańniach u adnosinach da žurnalistki Kiejt Mołtbi ŭ 2015 hodzie i prahladzie parnahrafii z pracoŭnaha kampjutara pałaty abščyn u 2008 hodzie.
U aficyjnym dakładzie, padrychtavanym aparatam kabinieta ministraŭ, havorycca, što zajavy, ź jakimi Hryn vystupiŭ u listapadzie — jon zapeŭnivaŭ, što ničoha nie viedaŭ pra toje, što ŭ jaho kampjutary zachoŭvalisia parnahrafičnyja materyjały, — źjaŭlajucca niedakładnymi i niepraŭdzivymi
Rasśledavańnie taksama pryjšło da vysnovy ab praŭdzivaści abvinavačvańniaŭ z boku žurnalistki.
Ciapier čytajuć
«U vyniku jon skazaŭ mnie: «Chopić mianie šantažavać, ja chaču palubavacca hetymi drevami». Aksana Kołb raskazała, pra što razmaŭlała sa Statkievičam na miažy88
Kamientary