Alaksandr Łukašenka zajaviŭ, što kiraŭniki krain SND ličać nieprymalnym staŭleńnie da rasijskich spartsmienaŭ u śviatle rašeńnia ab udziele na Alimpijadzie ŭ Paŭdniovaj Karei, prymianiać sankcyi treba da tych, chto vinavaty ŭ dopinhu, paviedamlaje TASS.
«My, Uładzimir Uładzimiravič, pieražyvajem šmatlikija prablemy, jakija pieražyvajecie vy. Dapuścim, prablema, na jakuju vielmi chvaravita i vostra adreahavała hramadstva RF — pytańnie Alimpijady, jakaja projdzie ŭ Paŭdniovaj Karei. Vy viedajecie našu pazicyju, z nami salidarnyja kiraŭniki dziaržaŭ, prysutnymi tut. My kateharyčna nie prymajem padobnaje staŭleńnie da rasijskich spartsmienam, da RF», — skazaŭ Łukašenka ŭ chodzie niefarmalnaj sustrečy lidaraŭ krain SND.
«My absalutna vas padtrymlivajem u tym, što padobnyja rečy niedapuščalnyja ŭ płanie dopinhu, ale prymianiać miery treba da tych, chto hetym zajmajecca.
A kali za ruku nie złavili, nie złoŭleny - nie złodziej, to niama čaho trubić na ŭvieś śviet i ŭžyvać padobnyja sankcyi», — dadaŭ jon.
Łukašenka taksama nahadaŭ, što ŭ biełaruskich spartsmienaŭ taksama byli prablemy. «Biełarusy taksama da Rya rychtavalisia, asabliva vieślary — samy mocny bok biełaruskaha sportu. Nas dyskvalifikavali i užytyja byli sankcyi. Praz dva-try miesiacy my dabilisia ŭ sudzie praŭdy, ale čas syšoŭ», — skazaŭ jon, adznačyŭšy, što kraina straciła i miedali, i imidž.
«My heta ŭsio prachodzili, upeŭnieny, što taksama budzie z RF. Vy pavinny viedać, što my ŭ hetaj baraćbie vas padtrymlivajem, zajmajem tuju ž pazicyju pa baraćbie z dopinham, ale karać treba tych, chto vinavaty. Nie viedajecie, chto vinavaty, nie treba palityzavać hety praces.
Heta inakš nie ŭsprymajecca jak palityčnyja sankcyi suprać krainy», — zajaviŭ kiraŭnik Biełarusi.
Maładuju supracoŭnicu «Pielenha» aryštavali za «zakliki da naniasieńnia škody Biełarusi». Joj pahražaje da 12 hadoŭ3
Kamientary