U Biełarusi pavysili taryfnyja akłady navukoŭcam. Heta praduhledžana prezidenckim ukazam № 467 «Ab apłacie pracy rabotnikaŭ biudžetnych navukovych arhanizacyj».
Ukaz raspracavany ŭ metach udaskanaleńnia apłaty pracy rabotnikaŭ biudžetnych navukovych arhanizacyj z ulikam śpiecyfiki ich dziejnaści i nakiravany na stvareńnie ŭmoŭ dla efiektyŭnaha kiravańnia resursami ŭ metach stymulavańnia pracy navukoŭcaŭ zychodziačy z važnaści ich daśledavańniaŭ, a taksama pavyšeńnia statusu vučonaha i prestyžnaści navukovaj dziejnaści, paviedamlaje pres-słužba prezidenta.
Akramia taho, ukazam raźmiežavany paŭnamoctvy dziaržaŭnych orhanaŭ, NAN Biełarusi va ŭstalavańni halinovych stymulujučych vypłat, pašyrany pravy kiraŭnikoŭ biudžetnych navukovych arhanizacyj u rehulavańni ŭzroŭniu apłaty pracy rabotnikaŭ u zaležnaści ad raźviazalnych imi zadač, źniaty abmiežavańni ŭ pamiery 40% fondu zarabotnaj płaty i ekanomii srodkaŭ, praduhledžanych na apłatu pracy, pry nakiravańni ich na premiravańnie i ŭstalavańnie stymulujučych vypłat rabotnikam za košt biudžetnych i pazabiudžetnych srodkaŭ, udakładnili ŭ pres-słužbie biełaruskaha lidara.
Zhodna z dakumientam, taryfnyja akłady rabotnikaŭ biudžetnych navukovych arhanizacyj pavyšajucca da 300%.
Rašeńnie ab pavyšeńni akładu da 200% prymajuć kiraŭniki biudžetnych navukovych arhanizacyj, zvyš 200% — orhany dziaržkiravańnia, jakim padparadkoŭvajucca dadzienyja arhanizacyi, Administracyja prezidenta ŭ dačynieńni da arhanizacyj, padparadkavanych prezidentu, Nacyjanalnaja akademija navuk Biełarusi, paviedamlaje nacyjanalny pravavy internet-partał.
Ciapier čytajuć
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia1
Kamientary