Vaśmirazovy alimpijski čempijon jamajski spryntar Usejn Bołt, jaki zaviaršyŭ karjeru ŭ lohkaj atletycy, raspavioŭ pra hatoŭnaść stać futbalistam. Pavodle jaho słoŭ, u sakaviku jon projdzie miedahlad u dortmundskaj «Barusii».
«Maja traŭma prajšła, i ja znoŭ u vydatnaj formie. U sakaviku prajdu prahlad u «Barusii», paśla čaho stanie jasna, ci zmahu ja pačać futbolnuju karjeru. Kali ŭ kłubie mnie skažuć, što ja ok i što treba trochi patreniravacca, ja tak i zrablu», — cytuje słovy Bołta gazeta.ru sa spasyłkaj na Daily Express.
Maraj jamajskaha spartsmiena źjaŭlajecca vystupleńnie za anhlijski «Mančester Junajted». Bołt raspavioŭ, što paprasiŭ byłoha treniera «čyrvonych djabłaŭ» sera Aleksa Fierhiusana parekamiendavać jaho ŭ «MIU».
«Ja razmaŭlaŭ z Aleksam Fierhiusanam i paprasiŭ jaho zamović za mianie słova. Jon adkazaŭ, što, kali ja budu zdarovy, i ŭ formie, jon pahladzić, što možna zrabić», — skazaŭ jon.
Bołt zaviaršyŭ karjeru ŭ lohkaj atletycy ŭ žniŭni 2017 hoda. Apošnim turniram jamajskaha spryntara staŭ čempijanat śvietu ŭ Łondanie, dzie jon zavajavaŭ bronzavy miedal na dystancyi 100 mietraŭ. U estafiecie 4 pa 100 mietraŭ jon nie zmoh finišavać z-za traŭmy.
-
Ukrainski skieletanist Hieraskievič prakamientavaŭ situacyju sa svajoj dyskvalifikacyjaj na Alimpijadzie
-
Prezident MAK raspłakałasia paśla dyskvalifikacyi skieletanista Hieraskieviča
-
Ukrainskaha skieletanista Hieraskieviča dyskvalifikavali na Alimpijadzie za šlem z fotazdymkami zahinułych na vajnie spartoŭcaŭ
Ciapier čytajuć
Zorka brejkdansu ź Viciebska atrymaŭ 11 hadoŭ turmy ŭ Kitai. Što zdaryłasia?8
Kamientary