Studentku, jakaja ŭznačaliła «Moładź BNF», adličvajuć z BDU
Ź Instytuta žurnalistyki BDU adličvajuć druhakurśnicu Hannu Śmilevič. Mienš za miesiac tamu jana była abranaja staršynioj «Moładzi BNF».
Čytajcie taksama. Staršynia «Moładzi BNF» Hanna Śmilevič: Kali kamu nie padabajucca maje brovy, chaj na sabie ekśpierymientujuć!
«Ja spačatku nie dumała, što mianie valać praz palityku, ale potym mnie ledź nie naŭprost pra heta skazali.
Bo ŭčora ja pryjšła atrymać zalik pa fizkultury, i mnie vykładčyk skazaŭ, što da jaho prychodzili ludzi z KDB i cikavilisia mnoj.
Fizruk pytaŭsia, ci datyčnaja ja da BNF, ci nie źjaŭlajusia kiraŭnikom niejkaj moładzievaj struktury. Urešcie ŭsio ž pastaviŭ zalik, — raskazvaje małady palityk.
Ale siońnia ja atrymała treciuju pierazdaču — na ekzamienie pa prafiesijnaj etycy žurnalista.
U dekanacie patłumačyli, što try pierazdačy — heta adličeńnie. Maŭlaŭ, pierazdać stolki ispytaŭ nielha, tamu mianie adličać. Naturalna, ja źbirajusia hetaje rašeńnie abskardžvać».
Śpiecyfika Instytuta žurnalistyki (jak i mnohich inšych humanitarnych fakultetaŭ) u tym, što być adličanym adtul za niepaśpiachovaść vielmi składana, amal niemahčyma. Navat chranična niepadrychtavanyja studenty atrymlivajuć dziasiatki «apošnich šancaŭ» i ŭrešcie ź minimalnymi adznakami prachodziać siesii.
Jakija ispyty nie zmahła zdać Śmilevič?
«Teoryju žurnalistyki» vykładaje kinakrytyk Nina Fralcova.
«Prafiesijnaja etyka» — kurs kolišniaj žurnalistki «Źviazdy» Taćciany Padalak.
Narešcie, za «Movu i styl srodkaŭ masavaj kamunikacyi» adkazvajuć fiłołahi Lilija Šaściarniova i Volha Dziesiukievič.
«Naša Niva» pasprabuje atrymać kamientar ad hetych vykładčykaŭ.
Heta nie pieršaja historyja padobnaha kštałtu. U 2008 hodzie ź Instytuta žurnalistyki byŭ adličany «za akademičnuju niepaśpiachovaść» adzin z papiarednich staršyniaŭ Moładzi BNF Franak Viačorka. Admietna, što adzin z ekzamienaŭ, na jakich jaho zavalili, byŭ… pa biełaruskaj movie. Choć jon ź dziacinstva biełaruskamoŭny, syn najlepšaha ŭ krainie fiłołaha i vałodaje movaj biezdakorna.
-
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda
-
Ankołah Karanik vystupiŭ z dakładam ab zachavańni bujnoj rahataj žyvioły
-
Maładuju minskuju jurystku, jakaja ciapier zajmajecca dyzajnam interjeraŭ, asudzili za ŭdzieł u pratestach
Kamientary