Prezident Vieniesueły Nikałas Madura raspavioŭ, što ŭrad respubliki hatovy padpisać damovu z apazicyjaj u ramkach adnaŭleńnia pieramovaŭ, jakija pačnucca 29 studzienia ŭ Daminikanskaj Respublicy.
«Siońnia pačynajecca dyjałoh pamiž uradam i vieniesuelskaj apazicyjaj, kab znajści šlach da miru i suisnavańnia. Tamu ja kažu jak kiraŭnik dziaržavy: vieniesuelski ŭrad hatovy padpisać damovu z apazicyjaj», — zajaviŭ Madura. Jon vykazaŭ nadzieju, što delehacyja ad apazicyi maje «patencyjał dla dyjałohu i ŭzajemarazumieńnia». «Ja abaviazany nie tolki krytykavać apazicyju, ale i zaklučyć pahadnieńnie dla adnaŭleńnia miru ŭ krainie», — dadaŭ prezident.
Papiaredniaja sustreča pradstaŭnikoŭ uładaŭ Vieniesueły i apazicyi ŭ Daminikanskaj Respublicy prajšła ŭ śniežni 2017 hoda i skončyłasia pravałam. Delehacyja ŭrada Vieniesueły supraciŭlałasia patrabavańniam apazicyi pravieści prazrystyja vybary prezidenta ŭ 2018 hodzie, adnavić raspuščany parłamient i vyzvalić palitviaźniaŭ.
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal2
Kamientary