Viadoma, što vialiki antyčny aratar Demaśfien zaikaŭsia, kartaviŭ i mieŭ niervovy plečavy cik. Ale šlacham žorstkich praktykavańniaŭ jon pieramoh svaje chiby. Nad plačom jon padviešvaŭ vostry mieč, savaŭ u rot kamieńčyki, kapiravaŭ ryk svajho ščaniuka i — op! Staŭ załatavusnym.
Ja heta da čaho. Darahi biełaruski palitytyk budučyni, za jakoha prahałasuje 100% nasielnictva biez anijakich padtasovak!
Kali tabie ad pryrody pašancavała bolej, čym Demaśfienu, kab stać narodnym lubimcam — ty prosta pavinien havaryć ludskaj movaj.
Trenirujsia ŭ svajoj chruščoŭcy na Hrušaŭcy — ci dzie ty tam zaraz žyvieš? — nikomu nieviadomy, ale pierśpiektyŭny. Repietuj budučyja pramovy.
Jak tolki u ciabie ŭźnikaje žadańnie źviarnucca da Jeŭraparłamienta — laśnisia tvaram ab padvakońnie.
Kali z rota vyryvajucca zakliki da «pavažanych kalehaŭ» — ab padvakońnie.
Kali lezie «režym, kansiensus, plenum, pasiadžeńnie, arhanizacyjnaja hrupa, jeŭrapiejskija kaštoŭnaści, zvarot da hramadzianskaj supolnaści, dasiahnieńnie pahadnieńnia, zabieśpiačeńnie dabrabytu, cyvilizavanyja pracedury, mižnarodnaja supolnaść, advarotnaja suviaź, demakratyčnyja pracedury, hramadskaja kamisija i h.d.» — ab padvakońnie, ab padvakońnie, ab padvakońnie.
Havary narmalnaj movaj toje, što ty dumaješ, a nie toje, što pavinien kazać biełaruski palityk tak, jak pavinien kazać biełaruski palityk. I voś ubačyš, jak jano ŭsio afihienna ŭdasca.
Demaśfien zmoh — i ty zmožaš.
-
«Ja nie chaču ŭ zahončyk biełaruščyny». Knyrovič adkazaŭ na krytyku za ŭdzieł u kancercie na Dzień Rasii
-
Fiaduta pra Aŭtuchoviča: U dvoryku «Amierykanki» jon uparta rabiŭ praktykavańni, imknučysia padtrymlivać siabie ŭ formie
-
Ci jość siarod siłavikoŭ u turmach i kałonijach dobryja ludzi? Adkazvaje Łosik
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary