Sud zavočna aštrafavaŭ Źmitra Daškieviča na 735 rubloŭ za pachod u barbieršop «Čekist»
Sud Centralnaha rajona Minska zavočna asudziŭ Źmitra Daškieviča i aštrafavaŭ na 30 bazavych vieličyń — 735 rubleŭ, piša Radyjo Svaboda.
Sud pryznaŭ Daškieviča vinavatym u drobnym chulihanstvie padčas naviedvańnia barbieršopa «Čekist» 9 studzienia.
Hrupa aktyvistaŭ na čale sa Źmitrom Daškievičam i błohieram Eduardam Palčysam praviała hutarku z supracoŭnikami barbieršopa, sprabavała raźviesić płakaty z proźviščami bolš jak sotni biełaruskich intelihientaŭ, zabitych u kastryčnickuju noč 1937 hoda.
Aktyvisty sprabavali davieści, što «nazyvacca supracoŭnikam karnaha orhana, jaki spryčyniŭsia da masavych represij, — heta jak minimum demanstravać niaviedańnie historyi» i što «z takim ža pośpiecham, možna było ŭziać nazvu «Hiestapaviec».
Zhodna z milicejskim pratakołam ab administracyjnym parušeńni, Daškievič «nastyrna naviazvaŭ svaju prysutnaść», «u [nierazborliva] formie patrabavaŭ źmianić nazvu i meblu» i «naŭmysna parušaŭ dziejnaść» ustanovy, čym vyjaviŭ «niepavahu da hramadstva». Śviedkami vystupili supracoŭniki barbieršopa Illa Miatlicki i Aleh Kot.
Kamientary