Samalot Minsk — Paryž dźvie hadziny kružyŭ nad Iviancom i Łahojskam, a paśla viarnuŭsia ŭ aeraport.
Pa infarmacyi «Našaj Nivy», samalot kampanii «Biełavija» na rejsie Minsk—Paryž, jaki vylecieŭ u 11:48, byŭ vymušany viarnucca ŭ aeraport praz nadzvyčajnaje zdareńnie.
Pryčynaj nazyvajuć razhiermietyzacyju sałona. Amal dźvie hadziny samalot pravioŭ u pavietry, kab vypracavać paliva.
Zatym samalot sieŭ u aeraporcie.
U «Biełavija» abvierhli infarmacyju pra razhiermietyzacyju sałona.
«Pry ŭźlocie samalota ŭ kabinie piłotaŭ spracavała sihnalizacyja, jakaja paviedamiła pra niaspraŭnaść u sistemie kandycyjanavańnia. Ekipaž pryniaŭ rašeńnie vypracavać paliva pierad pasadkaj», - paviedamli ŭ pres-słužbie.
Taksama ŭ avijakampanii paviedamili, što samalot byŭ u pavietry nie 3 hadziny, a mienš za 2. U 13.38 jon pryziamliŭsia ŭ aeraporcie.
Zatym dla rejsa pradastavili reziervovy samalot, jaki vylecieŭ u Paryž u 15.55.
Samalot, u jakim spracavała sihnalizacyja, zastaŭsia na ziamli. Ciapier pravodzicca jaho ahlad.
Ciapier čytajuć
Što viadoma pra zatrymanych radyjoamataraŭ, jakim pahražaje až da rasstrełu5
Kamientary