U Antarktydzie znojdzienyja vyspy ź niejmaviernaj papulacyjaj pinhvinaŭ, pra jakuju raniej nie viedali
Dziakujučy zdymkam z kosmasu, navukoŭcy vyjavili na maleńkich vyspach pobač z Antarktydaj 1,5 miljona pinhvinaŭ, pra isnavańnie jakich raniej nie było viadoma, piša Scientific Reports.
Vyspy Danhier niepadstupnyja: čałavieku vielmi składana da ich dabracca praz addalenaść ad macieryka i hrudaŭ lodu ŭ vadzie, jakija nie rastajuć navat letam. Navukoŭcy raniej zdahadvalisia, što na vyspach žyvuć pinhviny, ale navat nie ŭjaŭlali, nakolki ich šmat.
U 2014 hodzie daśledčyki źviarnuli ŭvahu na dziŭnyja abjekty na spadarožnikavych zdymkach vyspaŭ. Spačatku vyrašyli, što heta ptušyny pamiot. Ale ŭ 2015 hodzie navukoŭcy adpravilisia na adzin z astravoŭ, kab pahladzieć, chto pakinuŭ hetyja ślady, i vyjavili nievierahodnuju kałoniju pinhvinaŭ.
«Vada vakoł vyspy litaralna kišeła pinhvinami», — raspaviadaje Majkł Palita, adzin z daśledčykaŭ.
Paśla padliku z dapamohaj analizavańnia zdymkaŭ na kampjutary vyjaviłasia, što na vyspach žyvie paŭtara miljona ptušak! Raniej ličyłasia, što kałonii pinhvinaŭ pamianšajucca praź źmieny klimatu, ale znachodka takoj niejmaviernaj kolkaści asobinaŭ abvierhła hetaje pierakanańnie.
Chalezin: Nieŭźlin finansuje Chartyju'97 jašče z prezidenckich vybaraŭ 2010 hoda30
Kamientary