Nočču 22 śniežnia ŭ rasijskaj Arłoŭskaj vobłaści prahrymieli vybuchi, sacsietki paviedamlajuć pra ataku i pažar na naftabazie.
Hubiernatar Arłoŭskaj vobłaści RF Andrej Kłyčkoŭ paćvierdziŭ napad na naftabazu.
«U ciapierašni čas Arłoŭskaja vobłaść u čarhovy raz padviarhajecca masiravanaj varožaj atacy BPŁA, u vyniku jakoj znoŭ adbyłosia ŭzharańnie na abjekcie paliŭnaj infrastruktury ŭ pasiołku Stalny Koń», — zajaviŭ u tielehramie hubiernatar Arłoŭskaj vobłaści Andrej Kłyčkoŭ.
Heta ŭžo druhaja ataka za tydzień. 14 śniežnia Kłyčkoŭ paviedamlaŭ, što ŭ vyniku masiravanaj ataki bieśpiłotnikaŭ adbyłosia ŭzharańnie paliva na abjekcie infrastruktury.
Naftabaza «Stalny Koń» absłuhoŭvaje pracu mahistralnaha naftapravoda «Družba». Hienštab USU tady śćviardžaŭ, što ŭ noč na 14 śniežnia ŭkrainskija vajskoŭcy nanieśli ŭdar pa stancyi naftabazy «Stalny Koń», nazvaŭšy jaje «častkaj rasijskaha VPK, jaki zabiaśpiečvaje pastaŭki naftapraduktaŭ dla vojska RF».
Minabarony Rasii paviedamiła, što nočču 22 śniežnia srodkami SPA byli źniščanyja 42 ukrainskija bieśpiłotniki — 20 BPŁA nad terytoryjaj Arłoŭskaj vobłaści, pa 8 BPŁA — nad Rastoŭskaj i Branskaj abłaściami, 5 — nad Kurskaj vobłaściu i adzin — nad Kubańniu.
Chalezin: Nieŭźlin finansuje Chartyju'97 jašče z prezidenckich vybaraŭ 2010 hoda30
Kamientary