Pačaŭsia masavy pryzyŭ vajskovaabaviazanych u suviazi z pravierkaj armii
Pryzyŭ vajskovaabaviazanych u suviazi z pravierkaj Uzbrojenych Sił pačaŭsia ŭ Biełarusi, paviedamlaje BiełTA. Z zapasu pryzyvajecca da 2 tysiač vajskovaabaviazanych.
«U ramkach pravierki bajavoj hatoŭnaści Uzbrojenych Sił u chodzie padrychtoŭki da vykanańnia zadač pa pryznačeńni ažyćciaŭlajecca pastaŭka mabilizacyjnych resursaŭ z vajennych kamisaryjataŭ Biełarusi ŭ adno sa złučeńniaŭ Barysaŭskaha harnizona. Na praciahu hetych sutak tolki vajenkamatami Minska pryzvana bolš za 300 vajennaabaviazanych z zapasu. Akramia taho, u ramkach mierapryjemstvaŭ zapłanavana pastaŭka ŭzbrajeńnia, vajskovaj i śpiecyjalnaj techniki z arsienałaŭ, baz i składoŭ Ministerstva abarony», — prainfarmavali ŭ viedamstvie.
Jak paviedamlałasia, pravierka maje kompleksny charaktar z achopam najbolš važnych pytańniaŭ bajavoj hatoŭnaści i štodzionnaj dziejnaści biełaruskaj armii.
Pad kantrolem padraździaleńni roznych vidaŭ i rodaŭ vojskaŭ: raźviedki, rakietnych vojskaŭ i artyleryi, miechanizavanych, zienitnych rakietnych vojskaŭ, avijacyi, u tym liku z praviadzieńniem ź imi vučeńniaŭ z bajavoj stralboj. Budzie pravierana sistema mabilizavańnia vojskaŭ, u tym liku hatoŭnaść sfarmavać asobnuju miechanizavanuju bryhadu, a farmiravanaja bryhada — na zdolnaść samastojna vykonvać zadačy pa pryznačeńni.
«Na rozdum dali paŭhadziny». Nastaŭnicy z Połacka daviałosia zvolnicca z-za tyktok-błoha2
Kamientary