Brytaniec Aleks Čapman, były muž rasijskaj vyviednicy Hanny Čapman, pamior dva hady tamu ŭ Vialikabrytanii va ŭzroście 36 hadoŭ. Siamja Čampan nastojvaje na tym, što Aleks pamior naturalnaj śmierciu, paviedamlaje Daily Mail.
Hanna i Aleks byli žanatyja čatyry hady. Dziakujučy hetamu šlubu Hanna Kuščanka (jakaja da hetaha času nosić proźvišča byłoha muža) atrymała brytanskaje hramadzianstva. U 2006 hodzie muž i žonka raźvialisia, i Hanna źjechała ŭ Rasiju, dzie pačała zajmacca pradprymalnictvam.
U pačatku 2010 hoda Hanna Čapman pierajechała ŭ ZŠA, dzie nibyta zajmałasia biznesam. Letam taho ž hoda žančyna była zatrymanaja amierykanskimi śpiecsłužbami pa abvinavačvańni ŭ špijanažy na karyść Rasii.
U vyniku hetaj apieracyi, akramia Čapman, byli zatrymanyja jašče 10 čałaviek. Adnamu ź ich udałosia ŭciačy.
Paźniej Hanna Čapman i jašče dziesiać čałaviek, jakija pryznalisia ŭ špijanažy na karyść Rasii, viarnulisia na radzimu ŭ ramkach abmienu vyviednikami. Siarod čatyroch rasijskich hramadzian, na jakich abmianiali Čapman i inšych, byŭ i Siarhiej Skrypal.
Niahledziačy na toje, što Aleks Čapman pamior niekalki hadoŭ tamu, pra jaho zaŭčasnuju śmierć ŚMI paviedamili tolki ciapier, paśla zamachu na Siarhieja Skrypala.
«Zasiarodžusia na pracy z ZŠA». Cichanoŭski raskazaŭ pra svaje palityčnyja płany na 2026 hod32
Kamientary