Брытанец Алекс Чапман, былы муж расійскай выведніцы Ганны Чапман, памёр два гады таму ў Вялікабрытаніі ва ўзросце 36 гадоў. Сям'я Чампан настойвае на тым, што Алекс памёр натуральнай смерцю, паведамляе Daily Mail.
Ганна і Алекс былі жанатыя чатыры гады. Дзякуючы гэтаму шлюбу Ганна Кушчанка (якая да гэтага часу носіць прозвішча былога мужа) атрымала брытанскае грамадзянства. У 2006 годзе муж і жонка развяліся, і Ганна з'ехала ў Расію, дзе пачала займацца прадпрымальніцтвам.
У пачатку 2010 года Ганна Чапман пераехала ў ЗША, дзе нібыта займалася бізнэсам. Летам таго ж года жанчына была затрыманая амерыканскімі спецслужбамі па абвінавачванні ў шпіянажы на карысць Расіі.
У выніку гэтай аперацыі, акрамя Чапман, былі затрыманыя яшчэ 10 чалавек. Аднаму з іх удалося ўцячы.
Пазней Ганна Чапман і яшчэ дзесяць чалавек, якія прызналіся ў шпіянажы на карысць Расіі, вярнуліся на радзіму ў рамках абмену выведнікамі. Сярод чатырох расійскіх грамадзян, на якіх абмянялі Чапман і іншых, быў і Сяргей Скрыпаль.
Нягледзячы на тое, што Алекс Чапман памёр некалькі гадоў таму, пра яго заўчасную смерць СМІ паведамілі толькі цяпер, пасля замаху на Сяргея Скрыпаля.
Цяпер чытаюць
Бабарыка пасля сустрэчы з Пратасевічам трапіў у ШІЗА2
Каментары